چند آسان اور معمولی اقدامات آپ کو رکھیں

**intelligent086** · 02-02-2016, 05:38 AM

رشید احمد نعیم
اللہ تعالیٰ کی عطا کردہ نعمت، یعنی زندگی کو خوشگوار طریقے سے گزارنے کے لیے انسان کو کچھ ضروری چیزوں کا خیال رکھنا چاہیے، نہیں تو یہ نعمت زحمت بھی بن جاتی ہے۔ جسم کو تندرست و توانا رکھنے کے بعد ہی انسان کی زندگی خوشگوار ہوسکتی ہے۔ انسانی جسم کو صحتمند و تندرست رکھنے کے لیے چند باتوں کو مدنظر رکھنا ضروری ہے۔ وہ باتیں کونسی ہیں ،آئیے ہم آپ کو بتاتے ہیں: معدہ:صحت کی ابتدا معدہ سے ہے۔ اس لیے معدے کو درست حالت میں رکھیں ،کھانے میں اعتدال سے کام لیں، پیٹ تمام بیماریوں کا سر چشمہ ہے، پیٹ کا 3/4 حصہ پرُ کریں ،تو صحت مند رہیں گے، جسم کی راحت غذا کی کمی میں ہے۔ دل:دل ایک مشین ہے ،جو سارے جسم کو چاک و چوبند رکھتی ہے۔ دل کے باعث خون گردش کرتا ہے۔ کبھی بھی دل کے تنگ مزاج نہ ہوں، جو لوگ تنگ مزاج ہوتے ہیں ۔ذرا ذرا سی بات پر غصہ کر لیتے ہیں اور دل کو رنج پہنچاتے ہیں ،وہ کبھی صحت مند نہیں ہوتے۔ لباس:لباس کا خاص خیال رکھیں، زیادہ تنگ اور موٹا لباس جسم کی بافتوں اور جلد کے لیے مضر ہے، پولیسٹر کی بجائے سوتی لباس کو ترجیح دیں قمیض یا واسکٹ کا گلا کھلا رکھیں تاکہ گردن آسانی سے حرکت کر سکے اور سانس لینے میں آسانی رہے۔ جوتے:جوتے کا انتخاب بھی صحت مند رہنے سے ہے۔ ہمیشہ چمڑے کا جوتا استعمال کریں ،چمڑے کا جوتا ہر موسم اورہر مزاج کے لیے مفید ہے کیونکہ چمڑے کی یہ خاصیت ہے کہ یہ گرمی میں ٹھنڈا ہوتا ہے اور سردی میں گرم رہتا ہے۔ پانی:پانی ہمیشہ اُبال کر اور ٹھنڈا کر کے استعمال کریں بھاری پانی کی کثافتیں جسم کے اعضاء میں سختی پیدا کرتی ہیں۔ بھاری پانی پتھری کا باعث بنتا ہے ۔تازہ اور صاف پانی استعمال کریں، کئی بیماریوں سے محفوظ رہیں گے۔ سر:سر اور گردن کو گرمی اور سردی سے محفوظ رکھیں کیونکہ حرام مغز موسم کے تغیر کو برداشت نہیں کر سکتا، سردی لگنے یا لو لگنے سے اپنے آپ کو بچائیں۔ ہوا:تازہ اور کھلی ہوا میں زیادہ وقت گزاریں ،تازہ ہوا میں سیر کریں، جس قدر ممکن ہو آکسیجن جسم کے اندر داخل کریں۔لمبے سانس لیں۔ سردی میں بھی رات کو کھڑکی کا ایک پٹ کھلا رکھیں تاکہ ہوا اندر آتی رہے۔ صفائی:صفائی کو اپنا شعاراور اصول بنائیں ۔جسم کی صفائی، لباس کی صفائی اورگھر کی صفائی پر توجہ دیں۔غسل باقاعدگی سے کریں ، غسل صحت ہے۔ غم اور غصہ:غم اور غصہ سے بچیں ،اس سے دل اور دماغ کو صدمہ پہنچتا ہے اور دماغ کی بناوٹ کے ریشے اس طرح ٹوٹتے ہیں کہ ان کی تلافی ممکن ہی نہیں ہوتی، اس طرح رفتہ رفتہ دماغ بے کار ہو جاتا ہے۔ پھل:پھلوں کو فراوانی سے کھائیں ،یہ صحتمند رہنے اور عمر میں اضافے کا با عث بنتے ہیں ۔وادیٔ ہنزہ،گلگت ،چترال ،تبت میں رہنے والے لوگوں کی اچھی صحت کا راز وہاں کے پھلوں کا فراوانی سے استعمال اور صاف آب و ہوا میں ہے۔ جذبات:اپنے جذبات پر پورا قابو رکھیں جذبات کے برا نگیختہ ہونے سے جسم میں امن نہیں رہتا اور اندرونی طاقت تحلیل ہو جاتے ہیں اور صحت خراب کرتے ہیں۔ آزادی:آزادی سے رہیں،فراخدلی سے زندگی گزاریں، اپنے ارادوں کو نیکی کی طرف رکھیں اوردانا بن کر رہیں۔ دانائی خوشی کا سر چشمہ ہے اور تندرستی ہے۔ جلد سونا:جلد سونا اور گہری نیند سونا تندرستی کے لیے ضروری ہے، جو لوگ دیر تک جاگتے رہتے ہیں اور صبح دیر سے اٹھتے ہیں ،وہ چست اور متحرک نہیں رہتے بلکہ سست رہتے ہیں۔ دہی:دہی کا استعمال کریں، دہی ایک کیمیائی عمل سے گزر کر بنتا ہے۔ دہی کو درازیِ عمر کا باعث قرار دیا گیا ہے ۔ خوش رہیں:خوش رہنے سے صحت اچھی رہتی ہے۔ خوش رہنے والے لوگ تندرست رہتے ہیں اور زندگی کے ہر شعبہ میں کامیاب ہوتے ہیں۔ ورزش:اپنے جسم کے ساتھ بہت محبت سے پیش آئیں ۔سیر اور ہلکی پھلکی ورزش کریں۔ جسم پر تیل سے مالش کر کے نیم گرم پانی سے غسل کریں ،اس طرح آپ کا دوران ِخون نارمل رہے گا اور آپ تندرست رہیں گے۔ ادویات:ادویات کے استعمال سے پرہیزکریں۔ ادویات کا استعمال نہ کرنا ،انسانی بدن کے لیے مفید ہے۔زیادہ دوائیاں استعمال کرنے والے لوگ معدے کے السر میں مبتلا ہوجاتے ہیں ۔اس لیے ادویات سے بچیں۔ ٭…٭…٭