چلو جاناں
پھر سے محبتیں سجاتے ہیں
پرانے سبھی کھیل بھلا کر
اپنے دن مناتے ہیں
سنو جاناں
ساتھ قدم رکھ کر
اب آگے بڑھتے ہیں
جہاں ٹھرے رھے ھم اک وصال بن کر
بھیانک موسموں کی ڈھال بنکر
چلو اپنے گرد ریشمی جال بنتے ہیں
ھم اپنے کھوئے ہوئے سال چنتے ہیں
چلو جاناں
پرانی کشتیاں جلا کر
محبت کے سمندر میں
پھر سے ڈوب جاتے ہیں
اس ساحل سے کنارہ کر
سمندر میں گھر کرتے ہیں
سنو جاناں
سوئے خوابوں میں
جوش بڑھاکر
چاھت کی حرارت کو
مل کر ھم جگاتے ہیں
چلو جاناں
تمھارے آنسووں کو
ھم تھام لیتے ہیں
اپنے گمنام رشتے کو
نیا اک نام دیکر
ھم محبت ھو جاتے ہیں
۔۔۔۔۔۔
Similar Threads:
Bookmarks