Thanks for sharing
Kehtay hain kuch log aise hain jo zamanay kay pechay bhagtay hain. Lekin kuch hastiyan aisi bhi guzri hain jin kay pechay zamanay bhagtay hain. Aur beshak sitaron kay uss groh ka sab se chamkdaar sitara Shaair-e-Mashriq Allama Mohammad Iqbal hain. Woh aik hasti jis ne hazaron ki zindagiyan badal dein. Woh aik rehnuma, jin ki qayadat nay qoum ki taqdeer badal daali. Woh aik falsafi jin kay falsafay ne inqilaab barpa kar diya. Woh aik shaiyr jin ke alfaaz ne bay-jaan ruhon mein zindagi phoonk di. Sochnay ki baat hai woh aik Insan jis ne itna kuch kar diya aj hamari zindagiyon se uska peghaam kiyun mit gya? Kiyon hum ne uss qaaid ka diya hoa sabak bhula diya jin ki rehnumai ne hamain azadi kay roshan suraj se roshnaas karaya?
Ham manatay hain Iqbal ki saalgirah , unka youm-e-wafat lekin ajj hum asli mano’on mein bhulay hain tou sirf uss hasti ka woh pegham jo unhon ne diya apni qoum ki kamiyabi ki khatir. Hamaray roshan mustakbil ke liye. Kehtay hain jo qoumain apnay rehnumaon ko bhool jati hain zawal unhi ka muqaddar hota hai. Aj hum mein se hazaron yeh jantay hain kay Iqbal ka youm-e-wafat ya salgirah kab hai. Unki shaiyri kesi thi aur konsi kitabain hain. Roz marra zindagi mein unke asha’ar ka baqaida istemal bhi kartay hain. Hum mein se hazaron Iqbal ko “Rouhani Rehnuma” samajhtay hain. Unkay asha’ar zubani yaad hain. Lekin unke alfaz ka asli matlab sirf chand logon ko maloom hai. Hum mein say kafi log jantay hain Iqbal ka ”Falsafa-e-Khudi”. Lekin “Khudi mein doob ja ghafil yeh sirray zindagani hai” ka matlab, shayed hi kisi ko pata ho. Yeh intihaai tashveesh ki baat hai kay jahan Iqbal ka pegham radio progammes mein chala kar bachon ko sunaya jata tha. Jahan har aik ghar mein Iqbal ka shaydaai moujood hain. Aj uski Iqbal ka kaalam hamari nisaabi kitabon se mit raha hai. Aj usi Iqbal ka sabak hamaray zehno se kharij ho chuka. Iqbal ka woh azeem naa’ra , woh anmol alfaz, jin ki badolat Hindustan ki musibat zaada musalman abadi ko azadi ka roshan suraj dekhna naseeb hova, aj hamari yaad ka hissa bhi nahi hain. Hairat ki baat hai kay jis hasti nay masharti, mazhabi, siyasi aur har dosray maidan mein apna naqsh chora. Jin ke anmol khayalat ne Pakistan jesay mulk ko maariz-e-vajood mein lanay ka ma’arka sar anjaam diya. Jin ki ” lab pe aati hai dua ban kar tamanna meri” kal tak hamari subah ki dua hoa karti thi. Aj hum os hasti ka diya hoa har aik sabak bhool chukay hain.
Sirf Iqbal kai asha’ar yaad karna hi unka pegham samajhna nahi hai. Aj hum unka kalam khush ilhani se gaa letay hain magar hum nahi jantay kat “Ya Rab Dil-e-Muslim ko woh zinda tamanna de” ka asli matlab kiya hai. Hum nahi jantay kay “Khudi na baich fakeeri main naam peda kar” kissay kehtay hain. Humain nahi pata kay “Momin sirf ehkaam-e-ilahi ka hai paband” kai kiya maa’ani hain. Yeh baat qabil-e-zikar hai magar qabil-e-fakhar nahin kay ham Iqbal ki hasti aur un kay kaam ko kharaj-e-aqeedat tou paish kartey. Unka kalam bohat shouk se parhtey hain. Unka falsafa bohat chaah se suntay hain. Lekin hamain ma’aloom nahin kay unke alfaaz kay peechay paigham kiya hai. Hamain khabar nahi tou is baat ki kay unka kalam asal mein hai kia. Unki shaiyrie, unka falsafa, unki soch, unke khayalat.. Yeh sab haqeeqatan kia hain? In ka asal matlab kiya hai? Hum kis tarah unka paigham apni zindagiyon mein daaal saktay hain? Unke diye hoye nazarye par amal paira ho kar kesay apna mustakbil sanvaar saktay hain? Humain khabar nahi hai sirf is baat ki kay 1947 mein jis hasti ki soch aur kavishon ki badoulat hamara mulk azad hova. Un ki soch ko aj 21 saddi mein kis tarah apni zindagiyon mein daal kar taraqqi ki manazil taiy karain?
Aj zarorat hai tou sirf is amar ki kay hum Iqbal kay falsafay, unke kalam aur unke khayalat ko samjhein. Unke paigham ki khoj kar ke osay janain. Aur apni zindagiyon mein amli tor par osay daal kar behtar mustaqbil kay liye koshish karain.
Similar Threads:
Thanks for sharing
اعتماد " ایک چھوٹا سا لفظ ھے ، جسے
پڑھنے میں سیکنڈ
سوچنے میں منٹ
سمجھنے میں دِن
مگر
ثابت کرنے میں زندگی لگتی ھے
There are currently 1 users browsing this thread. (0 members and 1 guests)
Bookmarks