وسیع حلقہ احباب رکھنے والے افراد خوش رہتے

**intelligent086** · 08-23-2015, 10:33 AM

وسیع حلقہ احباب رکھنے والے افراد خوش رہتے ہیں،تحقیق

لندن: لندن میں ہونے والی ایک تحقیق سے یہ بات سامنے آئی ہے کہ وہ افراد جن کا حلقہ احباب وسیع ہوتا ہے وہ ڈپریشن کا شکار کم ہوتے ہیں اورزیادہ ترخوش رہتے ہیں۔

آج کی اس مسائل سے گھری ہوئی دنیا میں ہرشخص خوشی اورسکون کی تلاش میں سرگرداں رہتا ہے اورڈپریشن، افسردگی، مایوسی اورذہنی تناؤ کی فضا سے چھٹکارہ حاصل کرنا چاہتا ہے لیکن اب خوش و خرم رہنے کا فارمولا برطانوی محققین نے پیش کردیا ہے۔

برطانیہ میں کی گئی ایک تحقیق میں ثابت ہوا ہےکہ وہ افراد جن کا حلقہ احباب وسیع ہوتا ہے یعنی ان کے دوست زیادہ ہوتے ہیں اس طرح کے لوگ اتنے ہی خوش وخرم رہتے ہیں اور ایسے لوگوں کی زندگی میں ڈپریشن، مایوسی اور افسردہ رہنے کے امکانات بہت کم ہوتے ہیں۔

برطانوی پروفیسر کا کہنا تھا کہ آج کی دنیا میں ڈپریشن ایک عام مرض ہے لہٰذا لوگوں کو ذہنی طور پر صحت مند دوستوں کی صحبت میں رہنا چاہیئے اور جتنا وسیع حلقہ احباب ہوگا اتنا کم ڈپریشن کے امکانات ہیں۔