جُدا ہوں یار سے ہم، اور نہ ہوں رقیب جُدا

[intelligent086]

جُدا ہوں یار سے ہم، اور نہ ہوں رقیب جُدا

ہے اپنا اپنا مقدر جُدا نصیب جُدا

دکھا دے جلوہ جو مسجد میں وہ بُتِ کافر
تو چیخ اُٹھے مؤذن جُدا خطیب جُدا

جُدا نہ دردِ جُدائی ہو، گر مرے اعضا
حروفِ درد کی صورت ہوں، ہے طبیب جُدا

ہے اور علم و ادب، مکتبِ محبت میں
کہ ہے، وہاں کا مُعلم جُدا، ادیب جُدا

فراقِ خلد سے گندم ہے سینہ چاک اب تک
الٰہی ہو نہ وطن سے کوئی غریب جُدا

کیا حبیب کو مُجھ سے جُدا فلک نے اگر
نہ کر سکا مِرے دل سے غمِ حبیب جُدا

کریںجُدائی کا کس کس کی رنج ہم ؟ اے ذوقؔ
کہ ہونے والے ہیں سب ہم سے عنقریب جُدا
٭٭٭

Similar Threads:

• عاشق، چور ، فقیر ، خُدا توں منگدے گُھپ ہنیر
  
• جاتا ہوں جدھر، سب کی اُٹھے ہے اُدھر انگشت
• اب تو ہجر کے دُکھ میں ساری عُمر جلنا ہے
• ناقص وُضو، نماز میں شُبہ پیدا کرتا ہے
• ایک شعر مَیں بد دُعا تو نہیں دے رہی ہُوں اُس

[Moona]

Umdah Intekhab

t4s