محّبت کم نہیں ہو گی

[intelligent086]

محّبت کم نہیں ہو گی

مِری آنکھیں سلامت ہیں
مِرا دل میرے سینے میں دھڑکتا ہے
مُجھے محسوس ہوتا ہے
محّبت کم نہیں ہو گی
محّبت ایک وعدہ ہے
جو سچاّئی کی اُن دیکھی کسِی ساعت میں ہوتا ہے
کِسی راحت میں ہوتا ہے
یہ وعدہ شاعری بن کر مرے جذبوں میں دُھلتا ہے
مجھے محسوس ہوتا ہے
محّبت کم نہیں ہو گی
محّبت ایک موسم ہے
کہ جس میں خواب اُگتے ہیں تو خوابوں کی ہری
شاخیں
گُلابوں کو بُلاتی ہیں
انھیں خُوشبو بناتی ہیں
یہ خُوشبو جب ہماری کھڑکیوں پر دستکیں دے کر
گُزرتی ہے
مُجھے محسوس ہوتا ہے
محّبت کم نہیں ہو گی

Similar Threads:

• اب کیا کہیں کہ تم سے محبّت ہی اور ہے
• گرمیوں کو زحمت نہیں رحمت بنائیے
• یہ محبّت کی کہانی نہیں
• باعثِ ننگِ محّبت کی پذیرائی ہے
• محّبت میں کہیں کم ہو گیا ہے