دستِ شب پر دکھائی کیا دیں گی

[intelligent086]

دستِ شب پر دکھائی کیا دیں گی
سلوٹیں روشنی میں اُبھریں گی

گھر کی دیواریں میرے جانے پر
اپنی تنہائیوں کو سوچیں گی

اُنگلیوں کو تراش دوں ، پھر بھی
عادتاً اُس کا نام لکھیں گی

رنگ و بُو سے کہیں پناہ نہیں
خواہشیں بھی کہاں اماں دیں گی

ایک خوشبو سے بچ بھی جاؤں اگر
دُوسری نکہتیں جکڑ لیں گی

خواب میں تتلیاں پکڑنے کو
نیندیں بچوں کی طرح دوڑیں گی

کھڑکیوں پر دبیز پردے ہوں
بارشیں پھر بھی دستکیں دیں گی

***

Similar Threads:

• قریب آگئی شاید جہانِ پیر کی موت
• یادِ ایام کہ یاں ترکِ شکیبائی تھا
• بارشیں پھر بھی دستکیں دیں گی
• دستی کھڈیاں، صدیوں پْرانے آبائی پیشے کا &
• اِس رُت میں کہاں پھول کھلیں گے دلِ ناداں

[Admin]

Thanks for sharing Keep it up ..