Attention Guest, if you are not a member of Urdu Tehzeb, you have 1 new private message waiting, to view it you must fill out 
اسلام آباد : زخمیوں کی تعداد 250 سے اوپر ، دو کی افراد نازک ، شیلنگ جاری
اسلام آباد میں عوامی تحریک اور تحریک انصاف کے کارکنوں کی پولیس سے جھڑپوں میں زخمیوں کی تعداد 250 سے تجاوز کر گئی ہے جن میں دو افراد کی حالت نازک ہے۔ زخمیوں میں بچوں اور خواتین کے علاوہ دنیا نیوز کے دو رپورٹر بھی شامل ہیں۔
اسلام آباد (دنیا نیوز) دھرنوں کے شرکا نے جیسے ہی وزیر اعظم ہاؤس کی طرف مارچ شروع کیا تو پولیس نے شیلنگ اور لاٹھی چارج شروع کر دیا۔ آنسو گیس کے باعث آزادی اور انقلاب مارچ کے شرکا شدید متاثر ہوئے خواتین اور بچوں سمیت کئی افراد زخمی اور درجنوں بے ہوش ہوئے جنہیں پولی کلینک اور پمز میں منتقل کیا گیا۔ زخمی ہونے والوں میں پولیس اہلکار بھی شامل ہیں۔ کشیدہ حالات کے باعث پمز کی انتظامیہ نے ایمرجنسی وارڈ کو خالی کروا لیا ہے۔ زخمیوں کی تعداد زیادہ ہونے کے باعث پولی کلینک میں گنجائش ختم ہو گئی ہے۔ لاٹھی چارج اور شیلنگ سے دنیا نیوز کے دو رپورٹر حسن ایوب اور عیسیٰ نقوی بھی زخمی ہو گئے ہیں۔ دوسری جانب پمز ہسپتال کی ڈاکٹر عابدہ نے تصدیق کی کہ گولیاں لگنے سے زخمی ہونے والے پانچ افراد کو ہسپتال منتقل کیا گیا ہے۔ ان میں سے ایک کو پیٹ اور چار کو بازو اور ٹانگوں پرگولیاں لگیں ، تاہم انھوں نے کسی ہلاکت کی تصدیق نہیں کی۔ اس سے پہلے مشتعل مظاہرین نے وزیر اعظم ہاوس کی جانب جانے کی کوشش کی جنہیں پولیس نے روکا۔ مظاہرین نے پارلیمنٹ ہاوس کا جنگلہ بھی توڑ دیا ہے۔ یاد رہے کہ پاکستان تحریک انصاف کے سربراہ عمران خان اور عوامی تحریک کے قائد طاہر القادری نے کارکنان کو وزیر اعظم ہاوس کی طرف جانے کا حکم دیا تھا۔ تا ہم دونوں قائدین نے اپنے کارکنوں کو پر امن رہنے اور کسی قسم کا انتشار نہ پھیلانے کی ہدایات کی تھیں۔
Similar Threads:
Reply With Quote
Bookmarks