Parveen Shakir
Dasht o darya se guzarna ho k ghar mein rehna
Ub to har haal mein hy hum ko safar mein rehna
Dil ko har pal kisi jadu k asar mein rehna
Khud se nikle to kisi aur k darr mein rehna
Shehr e gham ! dekh, teri aab o hawa khushk na ho
Raas ata hy usay deeda e tarr mein rehna
Faisle sare usi k hein hamari babat
Ikhtiyaar apna bus itna k khabar mein rehna
Koi khatir na madaraat na taqreeb e visaal
Hum to bus chahte hein teri nazar mein rehna
Raat bhar chaand mein dekha karoon soorat us ki
Subh ko aur he saudaa mere sar mein rehna
Mein to har chehre mein ub tak wohi chehra dekhon
Us ko har roz tamasha e dagar mein rehna
Wohi tanhai, wohi dhoop, wohi be simmati
Ghar mein rehna bhi hua, raahguzar mein rehna
Tootna yun to muqaddar hy magar kuch lamhe
Phool ki tarha muyassar ho shajar mein rehna
Har mulaqaat k baad ajnabiyaat aur barhi
Uss ko aaiyne, hamen zoam e hunar mein rehna
Ghaas ki tarha jahan bhook uga karti ho
Itna asaan nahi shakh e samar mein rehna
Chaan ki aakhri raton mein boht lazim hy
Aik mitti ka diya raahguzar mein rehna
Taa’er e jaa’n k guzarne se bara saniha hy
Shoaq e parwaaz ka tootay hue par mein rehna
Koi Saifu ho k Meera ho k Parveen usay
Raas ata he nahi chaand nagar mein rehna
Bookmarks