SHAREHOLIC
  • You have 1 new Private Message Attention Guest, if you are not a member of Urdu Tehzeb, you have 1 new private message waiting, to view it you must fill out this form.

    + Reply to Thread
    + Post New Thread
    Results 1 to 2 of 2

    Thread: خان صاحب میں آپ کو ووٹ کیوں دوں؟

    1. #1
      Moderator Click image for larger version.   Name:	Family-Member-Update.gif  Views:	2  Size:	43.8 KB  ID:	4982
      smartguycool's Avatar
      Join Date
      Nov 2017
      Posts
      616
      Threads
      448
      Thanks
      102
      Thanked 493 Times in 328 Posts
      Mentioned
      127 Post(s)
      Tagged
      61 Thread(s)
      Rep Power
      7

      خان صاحب میں آپ کو ووٹ کیوں دوں؟

      خان صاحب! آپ میرے شہر میں آئے، بہت سارے مقامات پر آپ کی پارٹی نے ممبر سازی کے لئے کیمپ لگائے جہاں آپ نے خطاب کیا اور ایک ، مقام پر آپ کے خطاب کو سننے کے لئے میں بھی گیا۔ میرا خیال تھا کہ آپ مجھ پیدائشی لاہورئیے کو بتائیں گے کہ آپ نے نیا پاکستان کانعرہ لگاتے ہوئے ان پانچ برسوں میں ایک نیا خیبرپختونخوا بنا لیا ہے جہاں زندگی لاہور سے بھی بہتر ہے مگر آپ کی تقریروں میں وہی گھسے پٹے الزامات تھے جو قیام پاکستان سے لے کر اب تک سیاستدان ایک دوسرے پر لگا رہے ہیں۔آپ کے ممبر سازی کے کیمپوں میں حاضرین کی تعداد وہی تھی جو اس سے پہلے این اے ایک سو بیس کے انتخابات میں آپ کے جیل روڈ کے جلسے اور مال روڈ کی ریلی میں رہی، میرا خیال ہے کہ لاہور نے اپنا فیصلہ دے دیا ہے۔
      خان صاحب! میرا خیال تھا کہ آپ خیبرپختونخوا پولیس میں بہتری کی نئی متاثر کن کہانیاں سنائیں گے مگر مجھے ان پرانے سوالوں کے جواب بھی نہیں ملے کہ میری گاڑی جب لاہور سے چوری ہوتی ہے تو قیمت کا ایک چوتھائی سے نصف دے کر وہ پشاور اور کوہاٹ سے کیسے واپس ملتی ہے۔ جب بھی میرے صوبے سے ناجائز اسلحے کی کوئی کھیپ پکڑی جاتی ہے تو اس کے بارے یہ کیوں کہاجاتا ہے کہ وہ آپ کی حکومت والے صوبے سے آئی ہے اور یہی صورتحال منشیات اور ا سمگلنگ کے سامان کے بارے ہے۔ آپ اپنی پولیس کی تعریفیں کرتے اور پنجاب پولیس کو گالیاں دیتے رہیں مگر آپ کا صوبہ ابھی تک منشیات فروشوں، ا سمگلر وں، ناجائز اسلحے کے ڈیلر وں اور اغوا برائے تاوان میں ملوث لوگوں کی جنت کیوں ہے۔ میں جانتا ہوں کہ خیبرپختونخوا کے عوام ان سے بہت تنگ ہیں مگر ،افسوس، ہر دور میں یہ جرائم پیشہ مضبوط سے مضبوط تر ہوئے ہیں۔
      خان صاحب! میرا خیال تھا کہ آپ مجھے بتائیں گے کہ آپ نے خیبرپختونخوا میں غریب عوام کے لئے کتنے نئے سرکاری ہسپتال قائم کئے ہیں کہ میں جب بھی اپنے شہر کے ہسپتالوں میں جاتا ہوں تو وہاں اپنے پختون بھائیوں کی بڑی تعداد دیکھتا ہوں۔ مجھے ڈاکٹر بتاتے ہیں کہ اگر وسطی پنجاب کے ہسپتالوں سے خیبرپختونخواہ اور جنوبی پنجاب کے ہسپتالوں سے سندھ کے مریضوں کا بوجھ ختم ہوجائے تو یہ ہسپتال پنجاب کی آبادی کے لئے کافی ہیں ۔ میں نے سنا کہ آپ پشاور میں شوکت خانم ہسپتال کی تعمیر مکمل ہونے پر خوشی کا اظہار کر رہے تھے، میں شوکت خانم ہسپتال میں کینسر کے مریضوں کے داخلے اور ٹیسٹوں وغیرہ کے اخراجات پر بات نہیں کرنا چاہتا کہ آپ نے اسے مقدس بنا رکھا ہے مگر یہ ضرور کہوں گا کہ ایک حکومتی پارٹی اپنے عوام سے فنڈز جمع کرتے ہوئے ایک ایسا ہسپتال بنا لیتی ہے جو اس کے رہنما کی ملکیت ہے مگر دوسری طرف برس ہا برس تک ایک ہسپتال کی ایمرجنسی مکمل نہیں ہوپاتی تو اس گورننس کو کیا نام دیا جائے۔میرا خیال تھا کہ آپ مجھے بتائیں گے کہ آپ نے خیبرپختونخوا میں انفارمیشن ٹیکنالوجی کے میدان میں کوئی انقلاب برپا کیا ہے مگرآپ نے نہیں بتایا اور میر ے پاس یہ خبر ہے کہ آپ کا صوبہ انفارمیشن ٹیکنالوجی میں بنیادی کام کرنے کے لئے پنجاب کے انفارمیشن ٹیکنالوجی بورڈ سے مدد مانگ رہا ہے یعنی پنجاب جس میدان میں دوڑ رہا ہے آپ نے ابھی وہاں چلنے کا آغاز کرنا ہے۔
      خا ن صاحب! میرے شہر کی سڑکیں اگر کھلی نہ کی جاتیں تو اس وقت ہر سڑک پر ٹریفک بلاک ہوتی ۔ میٹرو اور اسپیڈو کی صورت پبلک ٹرانسپورٹ کا آئیڈیل نظام بھی میرے ہی شہر میں ہے جبکہ آپ نے چودھری پرویز الٰہی کے ساتھ مل کر میری اس میٹرو کے خلاف باتیں کیں جو ہر روز سواسے ڈیڑھ لاکھ لاہوریوں کو سفر کی سہولت فراہم کرتی ہے، مہینے میں یہ تعداد پینتالیس لاکھ اور سال بھر میں یہ تعداد لاہور شہر کی آبادی سے بھی چار سے پانچ گنا ہوجاتی ہے۔ جس میٹرو کو آپ نے برا بھلا کہا اب وہی میٹرو آپ پشاور میں بنا رہے ہیں۔ خیبرپختونخوا میں جب کوئی بڑا سانحہ ہوتا ہے تو اس کی فرانزک رپورٹ آپ کو لاہور ہی کی لیبارٹری سے ملتی ہے کیونکہ آپ نے پانچ برسوں میں ایسا کوئی منصوبہ نہیں بنایا، ہاں، جب آپ خیبرپختونخواپولیس کے روئیے اورمیرٹ کی بات کرتے ہیں تو میں سوچتا ہوں کہ یہ خوبی تحریک انصاف کی حکومت کی وجہ سے نہیں بلکہ اس پختون ثقافت کی وجہ سے ہے جس میں کوئی پٹھان کسی دوسرے کا ظلم برداشت نہیں کرتا۔ وہ تھپڑ مارنے والے کو جواب میں گولی مار دیتا ہے لہذا خیبرپختونخوا کے کسی انسپکٹر میں یہ جرات نہیں کہ وہ پختون سے وہ سلوک اور رویہ رکھ سکے جو پنجاب اور سندھ کے ایس ایچ او بالترتیب پنجابیوں اور سندھیوں سے روارکھتے ہیں۔
      خان صاحب! پرائمری اورمڈل تعلیم کے حوالے سے’ الف اعلان‘ نام کی این جی او کی رینکنگ میں خیبرپختونخوا کے بہترین اضلاع بھی پنجاب کے بہت سارے اضلاع کے بہت بعد میں آتے ہیں اور جہاں تک اعلیٰ تعلیم کی بات ہے پنجاب سے کوئی بھی خیبرپختونخوامیں اعلیٰ تعلیم کے حصول کے لئے نہیں جاتا، اس کے لئے سب لاہور اور پنجاب کا ہی رخ کرتے ہیں۔ممبر سازی مہم کے دوران مجھے کسی نے کہا کہ میرے خان کو دیکھو، اس نے فیکٹریاں اور کارخانے نہیں لگائے، اس نے کاروبار نہیں کئے بلکہ عوام کے لئے یونیورسٹی اور ہسپتال بنائے۔ میں نے اس کی شکل کی طرف غور سے دیکھا اوربتایا کہ اس وقت پاکستان میں سب سے زیادہ منافع بخش کاروبار صحت اور تعلیم کے ہی ہیں جن میں ایک بار سرمایہ کاری ہوجائے تو زندگی بھر کی روٹیاں لگ جاتی ہیں۔
      خان صاحب ! آپ نے کہا کہ لاہور میں آپ کو سیمنٹ کے سوا کچھ نظر نہیں آتا اور میں آپ کوبتاتا ہوں کہ لاہور میں پارک اینڈ ہارٹی کلچر اتھارٹی نے جتنا زیادہ اور بہترین کام کیا ہے اس کی مثال ہمیں کراچی اور پشاور سمیت ملک بھر سے نہیں مل سکتی اور سب سے بڑھ کے میں آپ کوبتانا چاہتا ہوں کہ ان برسوں میں پنجاب حکومت نے ڈاکٹر امجد ثاقب کی معاونت سے تعلیم کے میدان میں انڈوومنٹ فنڈ اورروزگار کی فراہمی کے لئے چھوٹے قرضوں کے ذریعے ہزاروں نہیں بلکہ لاکھوں خاندانوں کی زندگیوں میں انقلاب برپا کیا ہے جو بے نظیر انکم سپورٹ پروگرام سے بالکل جدا تصور ہے ۔ جان لیجئے کہ تبدیلی کا نعرہ سیاسی مقاصد کے لئے آپ لگاتے ہیں مگر کسی خاندان میں حقیقی تبدیلی اسی وقت رونما ہوتی ہے جب اس کو کاروبار کرنے کے لئے موقع اور سرمایہ مل جائے یا اس کا بیٹا یا بیٹی اعلیٰ تعلیم حاصل کر لے۔ یہ حقیقی تبدیلی اوریہ پرامن انقلاب پنجاب میں برپا ہو چکا ہے۔مجھے یہ کہنے دیجئے کہ ہم لاہوریوں نے آج سے پانچ برس پہلے جب آپ کا طوطی بولتا تھا تب بھی تحریک انصاف کے سات لاکھ تہتر ہزار سات سو چھہتر ووٹوں کے مقابلے میں مسلم لیگ نون کوتیرہ لاکھ اناسی ہزار چھ سو ایک ووٹ دئیے تھے اور اب تو وہ پرانی صورتحال بھی نہیں ہے۔ ہم لاہوریوں کے پاس اس وقت ’ ووٹ کوعزت دو‘ کا ایک مضبوط سیاسی نعرہ بھی ہے مگر دوسری طرف آپ کے پاس وہی تنقید اور وہی الزامات ہیں جو آپ سات برس سے دہراتے چلے آ رہے ہیں اور اب ان میں اضافہ یہ ہوا ہے کہ آپ ہم لاہوریوں کی ترقی اور سہولت کو لاہور میں ہی کھڑے ہو کے گالی بھی دیتے ہیں۔ مجھے بتائیں کہ میں آپ کو ووٹ کیوں دوں؟

      بشکریہ …… نجم ولی خان



    2. The Following User Says Thank You to smartguycool For This Useful Post:

      intelligent086 (04-07-2018)

    3. #2
      Administrator Admin intelligent086's Avatar
      Join Date
      May 2014
      Location
      لاہور،پاکستان
      Posts
      38,412
      Threads
      12102
      Thanks
      8,639
      Thanked 6,948 Times in 6,474 Posts
      Mentioned
      4324 Post(s)
      Tagged
      3289 Thread(s)
      Rep Power
      10

      Re: خان صاحب میں آپ کو ووٹ کیوں دوں؟

      یہ تو وقت بتائے گا کیا ہوتا ہے



      کہتے ہیں فرشتے کہ دل آویز ہے مومن
      حوروں کو شکایت ہے کم آمیز ہے مومن

    + Reply to Thread
    + Post New Thread

    Thread Information

    Users Browsing this Thread

    There are currently 1 users browsing this thread. (0 members and 1 guests)

    Visitors found this page by searching for:

    Nobody landed on this page from a search engine, yet!
    SEO Blog

    User Tag List

    Posting Permissions

    • You may not post new threads
    • You may not post replies
    • You may not post attachments
    • You may not edit your posts
    •