ایسا فون جسے آپ صابن سے بھی دھو سکتے ہیں

ایسا فون جسے آپ صابن سے بھی دھو سکتے ہیں

سمارٹ فون بہت جلد گندے ہوجاتے ہیں مگر بیشتر فونز پانی کو کچھ زیادہ پسند نہیں کرتے اور صابن کو تو بالکل نہیں

ٹوکیو(نیٹ نیوز)تو اب آپ ایسا سمارٹ فون خرید سکتے ہیں جو نہ صرف واٹر ریزیسٹنٹ ہے بلکہ آپ اسے گرمی پانی اور صابن سے بغیر کسی ہچکچاہٹ کے دھو بھی سکتے ہیں۔یہ ہے کیو سیرا رافری نامی سمارٹ فون جس کی ٹچ سکرین کو نہ صرف گیلے ہاتھوں بلکہ دستانے پہن کر بھی استعمال کیا جاسکتا ہے ۔بنیادی طور پر یہ درمیانے درجے کا فون ہے جو 5 انچ سکرین، 2 جی بی ریم، 16 جی بی میموری، 13 میگا پکسل رئیر کیمرے ، 3000 ایم اے ایچ بیٹری اور اینڈرائیڈ 7.0 آپریٹنگ سسٹم کیساتھ ہے۔دلچسپ چیزیہ ہے کہ اس فون میں روایتی سپیکر نہیں اور نہ ہی ائیرپیس پورٹ ہے جو اسے پانی، مٹی وغیرہ سے تحفظ دینے کے لئے ہے ۔یہ فون ہینڈ واش اور عام صابن سے دھونے پر بھی خراب نہیں ہوتا اور اس طرح یہ اپنی نوعیت کا پہلا سمارٹ فون ہے اس سے پہلے صرف فوم والے سوپ سے بچنے والے سمارٹ فون متعارف کرائے گئے تھے جو کہ اسی جاپانی کمپنی کے تیار کردہ تھے ۔