سید الانبیاء آنے والے ہیں

[intelligent086]

سید الانبیاء آنے والے ہیں !
مالکِ دوسرا آنے والے ہیں



لے کے حق کی ضیاء آنے والے ہیں
معنی والضحیٰ آنے والے ہیں



خازنِ کبریا آنے والے ہیں
دستِ جود و سخا آنے والے ہیں



ان کی خاطر سے پیدا خدائی ہوئی
مقصد کبریا آنے والے ہیں



جن کا علم و عمل دینِ اسلام ہے
وہ رسولِ خدا آنے والے ہیں



آپ اول بھی ہیں آپ آخر بھی ہیں
مبتدیٰ منتہیٰ آنے والے ہیں



دھوم تھی قدسیوں میں شبِ اسریٰ
عرش پر مصطفیٰ آنے والے ہیں



عرش پر منتظر تھا خدا جن کا
وہ حبیبِ خدا آنے والے ہیں



ظلمت کفر جن کے قدم سے چھٹی
وہ ظہور ہدیٰ آنے والے ہیں



کیا نکیرین پوچھیں گے بے ہوشؔ سے
قبر میں مصطفیٰ آنے والے ہیں

٭٭