کیا یہ کھلا تضاد نہیں

کیا یہ کھلا تضاد نہیں

آج کل لوگوں کو ایک دوسرے سے سبقت لے جانے کی عادت ہو گئی ہے...
ہمارا ایک جاننے والاہے آج کل اسپتال میں ہے ان کی عیادت کو جانا ہوا.
پوچھا کہ یہ حالت کیسے بنی ؟
تو کہنے لگا کہ ایک دن صبح ،صبح میری گھر والی نے جھنجھوڑ کر اٹھا دیا کہ دیکھو دیکھو تمھارے ہمسائے نے نئی گاڑی لی ہے اور تم یہاں گھوڑے بیچ کر سو رہے ہو ہماری محلے میں ناک کٹ جائے گی اور میں اپنی ناک بچانے کیلئے اسی دن دو گاڑیاں خرید کرلے آیا ایک اپنے لئے اور اور ایک بیگم کیلئے۔
کچھ دن بعد میری زوجہ محترمہ نے پھر صبح صبح ہلا کر رکھ دیا کہ تمھارا ہمسایہ بقر عید کیلئے آسٹریلین بیل لیکر آیا ہے پورے محلے میں اس کی واہ واہ ہو رہی ہے...
میں اسی دن جا کر دو آسٹریلین بیل لے آیا اور بیگم کی واہ واہ ہو گئی۔
وہ صاحب کہنے لگاکہ ایک دن میں نے اپنی بیگم کو جھنجھوڑ ڈالا اور کہا کہ تمھیں پتہ ہے ہمارے ہمسائے نے دوسری شادی کرلی ہے اور پورا محلہ اس پر رشک کر رہا ہے تو میں بھی ۔۔۔۔۔۔۔
اس کے بعد میری آنکھ اسپتال میں کھلی ،،
کہنے لگا میری بیگم نے کہا کہ خبردار جو اب ہمسائے سے آگے نکلنے کی کوشش کی بھاڑ میں جائے ہمسایہ...
ہم کیوں اس کی وجہ سے اپنی زندگی کا سکھ چین خراب کریں...
کہنے لگا کہ اپنی مرتبہ ناک کٹنے کی فکر تھی جب میری باری آئی تو یہ حال کردیا،،،،،،،
کیا یہ کھلا تضاد نہیں ؟