Attention Guest, if you are not a member of Urdu Tehzeb, you have 1 new private message waiting, to view it you must fill out 
چاھے دل کے ہاتھوں میں
لاکھ ضبط خواھش کے
بے شمار دعوے ھوں
اس کو بھول جانے کے
بے پناہ ارادے ھوں
اور اس محبت کو ...
ترک کر کے جینے کا
فیصلہ سنانے کو
کتنے لفظ سوچے ھوں
دل کو اسکی آہٹ پر
بر ملا دھڑکنے سے
کون روک سکتا ھے ؟؟
پھر وفا کے صحرا میں
اس کے نرم لہجے اور
سوگوار آنکھوں کی
خوشبوؤں کو چھونے کی
جستجو میں رھنے سے
روح تک پگھلنے سے
ننگے پاؤں چلنے سے
کون روک سکتا ھے ؟؟
آنسوؤں کی بارش میں
چاھے دل کے ہاتھوں میں
ھجر کے مسافر کے
پاؤں تک بھی چھو آؤ
جس کو لوٹ جانا ھو
اس کو دور جانے سے
راستہ بدلنے سے
دور جا نکلنے سے
کون روک سکتا ھے ؟؟
نوشی گیلانی
Reply With Quote
Bookmarks