Milne K Nahi Nayab Hain Hum

[Mamin Mirza]

سب سے پہلےتو تیری ہمت کوداد کہ تونے میری شان میں یہ گستاخی کرنے کی بالآخر جرات تو کی
اب باری خاکے کی دھجیاں بکھیرنے کی
ایک زمانہ مجھ سے شاکی رہتاہےاگرمیں حالات سے شاکی ہوجاتی ہوں تو کیا غلط ہے۔
اپنا نام غلط لکھنے پر شروع میں مجھے غصہ آتا تھا،پھر ہنسی اور اب بے اختیار مسکراہٹ۔میں چڑتی ہرگز نہیں۔
شاعرہ اور میں۔۔۔۔اللہ اللہ
ہاں نثر میں صفحے کالے کرلیا کرتی تھی اب تو عرصے سے یہ سلسلہ بھی موقوف ہے۔
دُرگت۔۔۔۔۔۔۔۔۔۔۔۔۔۔کیا کروں مغل ہوں۔۔۔۔عادتاََ،فطرتاََ مجبور۔۔۔۔۔۔۔۔۔۔۔خاندانی مجبور
خوف تو مجھے خیر دن کی بارش سے بھی آتا ہے ہاں رات میں بارش اوراندھیرا دونوں مل کر دگنے ہوجاتے ہیں۔مگر اماں کی گود میں گھسنے کی نوبت پھر بھی نہیں آتی۔اور میری اماں مجھے گود میں گھسا ہی نہ لیں کہیں۔۔۔ہنہ
نہ تو توکیا چاہتی ہے کہ میں تو تڑاخ کیا کروں۔۔۔۔۔۔ہو ہی نہ جائے مجھ سے غصے کی حالت میں تو تڑاخ۔
ہی ہی ہی ہی ہی ہی ہیہی۔۔۔۔۔۔۔۔۔۔۔تو جون میں مجھ سے رابطہ کرنا پھر تجھے گرمی نہیں لگے گی
تو کک آؤٹ اپنی زبان درازی کی وجہ سے ہوئی ہے جب بھی ہوئی ہے۔تجھے اب تلک یہ سمجھ نہیں آیا کہ جب مامن غصےمیں ہو تو خاموشی اختیار کی جائے۔تو آگے سے بک بک وضاحتیں صفائیاں۔۔۔۔۔۔۔۔بولنالگائے رکھتی ہے۔۔۔۔میرے پاس ایک ہی راستہ ہوتا ہےتجھے خاموش کروانے کا اوروہ ان فرینڈ کرنا ہی ہوتا ہے۔رہی بات منانے کی تو مابدولت اس ہنر سے بھی نابلد نہیں ہیں۔بس یوں ہے کہ کسی کو زندگی میں اتنا منایا ہے۔۔۔۔اتنا منایا ہے۔۔۔اپنی انا،خودداری اور عزتِ نفس کو پسِ پشت ڈال کر کہ اب منانے کو دل نہیں کرتا کیونکہ اتنی تابعداری کے بعد سمجھ آیا لوگوں کو ان کی حد میں رکھنا چاہئیے اور خود کواپنی ذات کے خول میں۔
ایک بات تو بھول گئی مجھے ڈرصرف بارش سے نہیں لگتا
اوراب جب توبھول ہی گئی ہےتو میں کیوں یاد دلاؤں۔۔۔ہی ہی ہی ہی
ہاں فوجی۔۔۔۔۔۔۔۔۔۔۔۔مان گیاتھا وہ بھی اپنی غلطی۔۔۔ہکا بکا کا تو خیر میں نہیں کہہ سکتی
فوجی ہے۔۔۔۔۔۔کنڑولڈایکسپریشنز یو نو
تو شاعری کی ٹانگ توڑے گی تومیں تیرا سر کھول دونگی جیسے ابھی تیری یہ اردو پڑھ کر میرا دل کر رہا ہے کہ تجھےنوبل پرائز دوں۔
جھپی۔۔۔۔۔۔۔۔۔۔۔۔۔۔لاحولولاقوہ
تو دور سے بات نہیں کرسکتی۔۔۔۔۔۔۔۔۔۔۔۔بندہ کے بینڈ بج جاتا ہے تیری مہک سے
کیا ضرورت ہے جھپی ڈالنےکی۔۔۔۔۔۔۔۔۔بندہ بات زبانی کلامی کرے
یہ کیا تُک ہوئی۔۔۔۔۔۔۔لے کرگلے کا ہار بن جایا جائے
پاکستان میرا عشق ہے۔۔۔۔۔۔۔۔صاف ڈنکے کی چوٹ پر کہتی ہوں۔کسی کو اعتراض ہے تو اپنے گھر جا کر دوروٹی زیادہ کھا لے مگر میرے سامنے اگر میرے وطن کی شان میں حرفِ غلط کہنے کی جرات کی تواینٹ کا جواب پتھر سے دینا مجھے بخوبی آتا ہے۔کہہ کر تو کوئی کچھ دیکھے۔
ہڑپن آنٹی آپ نے باکل بجافرمایا۔۔۔۔۔۔۔۔نام نہ ہوگا تو بدنام نہ ہونگے۔۔ہی ہی ہی ہی ہی
تیرا ڈبہ گول تو اکثر پیدل اور گم ہی رہتا ہے۔۔۔۔۔کبھی کبھی ہی چلتا ہے اس لئے اسکے چلنے پر چونکتی ہوں میں
بہن وہن کی طرح باکل نہیں ہوں میں۔۔۔۔۔۔۔۔۔خشک فہمی سے باہر نکل آ۔۔۔۔اظہار کرکے مجھے پچھتانا تھوڑی ہے۔۔۔۔۔اتنی ویلی نہیں ہوں میں۔۔۔۔اور آئندہ کوئی اردو تحریر نثر میں لکھنا تواردو درست لکھنا۔
تیری اردو ٹھیک کرنے کےچکرمیں بندہ اپنی بھول جائے۔
اور مثالیں تو تونے ایسی ایسی دی ہیں کہ دل کر رہا ہے یہاں سے ہی جوتا برف میں بھیگا ہوا روانہ کروں۔
گھرکی صفائی نہیں صفایاچاہتی ہوں۔مگر ایسا بھی نہیں جیسا تونے لکھ مارا ہے۔۔۔۔تیری طرح جھاڑن لے کرجھاڑتی نہیں رہتی۔
تجھے معلوم ہی نہیں۔۔۔۔۔۔۔۔۔۔۔۔۔آئی ہیٹ کوکنگ۔۔۔۔۔۔۔۔۔مجھے کھانا پکانے سے نفرت ہے۔۔۔شدیدنفرت۔۔۔۔بھا اور چھوٹے مرزا صاحب کی وجہ سے پکا لیتی ہوں۔۔۔۔۔۔۔۔۔اور ویسا بالکل نہیں جیسا تونے لکھا۔۔۔۔ورنہ میری اماں ہرگز نہ کہتیں کہ میں نے پکا پکا کر کھلاکھلا کر عادتیں خراب کی ہیں۔۔۔۔ہا ہا ہا ہا
بیٹا پہلے مجھے جان لے پھردوبارہ لکھنا۔۔۔
کوشش اچھی ہے تیری مگر میری شخصیت کا یہ ایک جزو ہے اور اس کی بھی میں نے دھجیاں ہی بکھیری ہیں
زیادہ تیا پانچا کردیا ہے تومعذرت
تونے رائے مانگی تھی۔۔۔۔۔۔۔۔۔سو دی ہے
خوش رہ۔