یوٹیوب کا نیا دلچسپ فیچر متعارف

[Rana Taimoor Ali]

یوٹیوب نے اپنے فیس بلورنگ فیچر کو توسیع دیتے ہوئے اب صارفین کو حرکت کرتی چیزوں کو دھندلانے کی سہولت فراہم کردی ہے۔یوٹیوب پر کوئی ویڈیو اپ لوڈ کرنے کے بعد آپ اس نئے فیچر تک رسائی نیو کاسٹیوم بلورنگ ٹول کے ذریعے حاصل کرسکتے ہیں جو بلورنگ ایفکٹس کے اندر موجود ہے۔آپ وہاں جاکر کسی بھی چیز کے اوپر ایک باکس بناسکتے ہیں جو اسے دھندلا کردے گا اور پھر یوٹیوب خود دیکھے گا کہ وہ شے یا آدمی ویڈیو میں کہاں تک حرکت کرتا رہا ہے اور اس کے مطابق اسے بلور کردے گا۔مثال کے طور پر ایسے :

جب آپ وہ باکس بنائیں گے تو وہ یوٹیوب کی ایڈیٹنگ ٹائم لائن پر ایک عنصر کے طور پر شو ہوگا جس کی مدد سے آپ آسانی سے ایڈجسٹ کرسکتے ہیں کہ کب وہ شے نظر آئے اور کب غائب ہوجائے۔اور ہاں ویڈیو میں کسی بھی مقام پر اس باکس کا سائز بدلا بھی جاسکتا ہے۔

اگر آپ نہیں چاہتے کہ دھندلا کیا جانے والا حصہ خودکار طور پر حرکت کرے تو آپ ایڈیٹنگ ٹائم لائن پر لاک بٹن پر کلک کرسکتے ہیں۔یوٹیوب کا
کہنا ہے کہ یہ فیچر ہم نے لوگوں یا کسی بھی قسم کے ڈیٹا کو دھندلانے کے لیے فراہم کیا ہے تاکہ صارفین انہیں ہٹائے بغیر آسانی سے ویڈیو اپ لوڈ کرسکیں۔