Attention Guest, if you are not a member of Urdu Tehzeb, you have 1 new private message waiting, to view it you must fill out 
Jo Tum Ne Thaan Hi Li Hai........!
jo tum ne Thaan hi li hai
hamaare dil se nikloge
to itnaa jaan lo pyaare
wafa ki sirhiyun par har qadam phaila hua
yeh aarzuon ka lahu zaaya' na jaayega!
samundar saamne hoga, agar sahil se nikloge!
sitaare, jin ki aankhon ne hamen ik saath dekhaa hai,
gawaahi dene aayeNge!
puraane kaaghazoN ki balkoni se bahut se lafz jhaankeNge,
tumheiN vaapas bulaayeNge!
kaii vaade, fasaadii qarz_KhwahoN ki tarah raste meiN rokeNge
tumheiN daaman se pakReNge
tumhaari jaan khaayeNge!
Chupa kar kis tarah chehra
bhari mehfil se nikloge?!
zara phir soch lo jaanan,
nikal to jaayoge shaayad,
magar mushkil se nikloge!!
Amjad Islam Amjad
Reply With Quote
Bookmarks