Moona (02-10-2016)
شیخ نوید اسلم
اُبارو تعلقہ میں واقع ریتی سٹیشن سے 5 میل جنوب میں وجنوٹ واقع ہے ،جہاں کھنڈرات کا ایک ڈھیر چٹیل میدان میں ایستادہ ہے، جسے وجنوٹ کہا جاتا ہے۔ مٹر ہنری کائوزنز نے کھنڈرات کے مشاہدے کا مندرجہ ذیل بیان چھوڑا ہے: ’’یہاں پہنچنے پر بہت سی ملگجی گھاٹیاں اور ڈھیریاں نظر آتی ہیں، جو سطح زمین سے16 تا 20 فٹ اونچی ہیں۔ ان کے اوپر جا کر دیکھیں ،تو یہ ٹوٹی پھوٹی اینٹوں کے ڈھیر ہیں ،جو چھوٹے چھوٹے نوکیلے اور فرسودہ پاروں پر مشتمل ہیں، جن میں نرم شور مٹی اور بہت سی سوختہ لکڑی انتہائی باریک ریزوں کی صورت میں آمیختہ ہے ۔زیادہ تراشی ٹکڑے ٹکڑے کوئلے کی موجودگی ملبے کی ان ڈھیریوں کو ملگجا بناتی ہے، لیکن بغور دیکھنے سے معلوم ہوتا ہے کہ خشت پاروں کا کافی حصہ ملگجی اینٹوں پر مشتمل ہے، جو نیم شیشہ نما ہیں کسی اچھوتی ڈھیری کی سطح پر بھی کوئی سالم اینٹ یا اس کا بڑا ٹکڑا نظر نہیں آتا اور سب اینٹیں چھوٹے چھوٹے نوکیلے اور بے قاعدہ ٹکڑوں میں بدل گئی ہیں، جو ظاہراً یہاں موجودہ شورہ کا عمل ہے،ایک کھدائی انڈس ویلی سٹیٹ ریلوے کو دھات کی بھرائی مہیا کرنے کے لیے کی گئی ،لیکن پرانی جگہ غالباً صدیوں سے ہر اس آدمی کے لیے پتھر کی کان بنی رہی ہے ،جو اس علاقے میں چند پتھر یا پختہ اینٹیں درکار ہوتی تھیں۔ وجنوٹی نمونے کی اینٹیں ارد گرد میلوں تک بلکہ جنوب مشرقی صحرا میں دور دور تک مسلمان قبروں پر نظر آتی ہیں۔ زیر زمین نیو کی اینٹیں نکالے جانے پر بالکل صحیح سالم تھیں اور 2x10x15/ 2تھیں گو بعض 4x12x18 جتنی بڑی تھیں وہ اتنی خوش ساختہ تو نہیں، لیکن عموماً خوب پکی ہوئی اور خوشنما گہرے سرخ رنگ کی ہیں اینٹوں کی چنائی بذریعہ مسی خوب کی گئی ہے اور چونا کہیں نظر نہیں آیا سوائے دیواروں اور ستونوں کی سفیدی کے جب پہلی دفعہ انہیں صاف کیا گیا‘‘۔ ’’ڈھیریوں کا گھیرائو ڈیڑھ میل ہے اور انتہائی لمبائی شرقاً غرباً نصف میل سے کچھ زیادہ اور چوڑائی شمالاً جنوباً ایک چوتھائی میل ہے ،یہ جنوب مغربی کونے میں ڈھیریوں کے مضافات کے قریب ہے ،جو اب ایک قبرستان ہے ۔پرانے شہر سے تھوڑے فاصلے پر کچھ دور دور تک مختلف سمتوں میں بکھرے ہوئے کھنڈرات بھی اس کے قریب آ جاتے ہیں‘‘۔ (کتاب ’’ پاکستان کے آثار ِ قدیمہ‘‘) ٭…٭…٭
کہتے ہیں فرشتے کہ دل آویز ہے مومنحوروں کو شکایت ہے کم آمیز ہے مومن
Moona (02-10-2016)
@intelligent086 thanks 4 informative sharing
intelligent086 (02-11-2016)
کہتے ہیں فرشتے کہ دل آویز ہے مومنحوروں کو شکایت ہے کم آمیز ہے مومن
Buhat achi aur lajawab sharing
اعتماد " ایک چھوٹا سا لفظ ھے ، جسے
پڑھنے میں سیکنڈ
سوچنے میں منٹ
سمجھنے میں دِن
مگر
ثابت کرنے میں زندگی لگتی ھے
پسند اور رائے کا بہت بہت شکریہ
کہتے ہیں فرشتے کہ دل آویز ہے مومنحوروں کو شکایت ہے کم آمیز ہے مومن
There are currently 1 users browsing this thread. (0 members and 1 guests)
Bookmarks