سمارٹ فون کو مائیکرو سکوپ میں بدلنے والا س

**intelligent086** · 01-02-2016, 05:24 AM

سمارٹ فون کو مائیکرو سکوپ میں بدلنے والا سسٹم تیار

میوپیک’’ کریڈٹ کارڈ کے برابر ایک ایسا آلہ ہے جو کسی بھی سمارٹ فون کو پروفیشنل مائیکرو سکوپ میں تبدیل کردیتا ہے
لاہور(دنیا نیوز) ‘‘میوپیک’’ کریڈٹ کارڈ کے برابر ایک ایسا آلہ ہے جو کسی بھی سمارٹ فون کو پروفیشنل مائیکرو سکوپ میں تبدیل کردیتا ہے ۔جرمن کمپنی سکرونا کے ماہرین کا تیار کردہ یہ آلہ ہر قسم کے سمارٹ فون کے اوپر نصب کیا جاسکتا ہے اور اسے ایک ایپ کے ذریعے کنٹرول کیا جاسکتا ہے ۔ کیمرے کو سیٹ کرکے آپ بہت واضح ، صاف اور تفصیلی تصاویر لے سکتے ہیں۔کمپنی کے سی ای او کے مطابق اس ایجاد کو سمارٹ فون کا عام مکعب عدسہ نہ سمجھا جائے بلکہ اس میں ایک طاقتور عدسہ ہے جو چھوٹی موٹر سے کنٹرول ہوتا ہے اور بالکل پروفیشنل اور مہنگی خوردبینوں کی طرح کام کرتا ہے جسے سائنسدان بھی استعمال کرسکتے ہیں۔ اس آلے کے ساتھ چارجر بھی ہے جو ننھی موٹروں کو چارج کرتا ہے ۔ اس آلے کے ذریعے کسی بھی شے کو 300 گنا تک بڑا کرکے دیکھا جاسکتا ہے ۔اسے آئندہ 6 ماہ میں باقاعدہ فروخت کے لئے پیش کردیا جائے گا۔