واٹس ایپ میں سب سے بڑی تبدیلی

**intelligent086** · 12-23-2015, 12:50 AM

واٹس ایپ کے تازہ ترین اپ ڈیٹ میں بھی کچھ نئے زبردست فیچرز مہیا کئے گئے ہیں اور اس بار بھی یہ اپ ڈیٹ صرف اینڈرائیڈ صارفین کیلئے ہی مہیا کی گئی ہے جس پر دنیا بھر کے آئی فون صارفین تو نالاں نظر آتے ہیں لیکن اینڈرائیڈ صارفین زبردست فیچرز پر انتہائی خوش ہیں۔
لاہور (دنیا نیوز) نئی اپ ڈیٹ میں ‘‘سٹار میسیجز’’ کی سہولت کیساتھ ساتھ واٹس ایپ کھولے بغیر ڈائریکٹ شیئرنگ اور لنک پریویو کی سہولت بھی متعارف کرائی گئی ہے ۔ اینڈرائیڈ صارفین اب اپنے پسندیدہ میسج کو سٹار کر سکتے ہیں۔ یہ بالکل بک مارکنگ کی طرح ہے ، یعنی آپ کسی بھی اہم میسج پر لانگ پریس کریں اور اسے سٹار کر لیں۔ ایسا کرنے سے بعد میں کسی بھی میسج یا کنورسیشن کو ڈھونڈنا انتہائی آسان ہو جاتا ہے ۔ کمپنی کا کہنا ہے کہ یہ وہ فیچر ہے جس کیلئے صارفین کی جانب سے سب سے زیادہ فرمائش کی جا رہی تھی اور اسی لئے اسے متعارف کرایا گیا ہے ۔ اسی طرح نئی اپ ڈیٹ میں کسی بھی لنک کو شیئر کرنے پر ایپلی کیشن خودکار طریقے سے اس کا پریویو بھی سامنے لے آئے گی۔ اسے آپ بہت بڑا فیچر تو نہیں کہہ سکتے لیکن اس کی وجہ سے آپ کسی بھی موصول ہونے والے لنک کو دیکھنے یا نہ دیکھنے کے بارے میں فوری فیصلہ کر سکتے ہیں۔ اس اپ ڈیٹ میں ڈائریکٹ شیئرنگ کی سہولت بھی متعارف کرائی گئی ہے تاہم یہ سہولت اینڈرائیڈ کے نئے ورژن ‘‘مارش میلو’’ کیلئے ہے ۔ وہ صارفین جو ‘‘مارش میلو’’ استعمال کر رہے ہیں اب واٹس ایپ کھولے بغیر ہی کوئی بھی لنک، تصویر یا ویڈیو کسی بھی شخص یا گروپ کو بھیج سکتے ہیں۔ابتدائی طور پر یہ تمام فیچرز صرف اینڈرائیڈ صارفین کیلئے مہیا کئے گئے ہیں، جلد ہی اسے آئی فون صارفین کیلئے بھی مہیا کردیا جائیگا