yahii huaa ki hawaa le gayii uRhaa ke mujhe

[intelligent086]

yahii huaa ki hawaa le gayii uRhaa ke mujhe
tujhe to kuchh na milaa Khaak meN milaa ke mujhe

bas ek gooNj hai jo saath-saath chaltii hai
kahaaN ye chhoRh gaye faasale sadaa ke mujhe

chiraaGh thaa to kisii taaq hii meN bujha rahtaa
ye kyaa kiyaa ki havaale kiyaa, hawaa ke mujhe

ho ek adaa to use naam dooN tamanna kaa
hazaar raNg haiN is shola-e-hinaa ke mujhe

bulaNd shaaKh se uljha thaa chaaNd pichhale pahar
guzar gayaa hai ko_ii Khwaab sa dikhaa ke mujhe

hazaar baar khula zehan baadbaaN kii tarah
nukoosh-e-paa na mile umr-e-baad paa ke mujhe

maiN apnii mauj meN Dooba huaa zaziira hooN
utar gayaa hai samaNdar bulaNd pa ke mujhe

''Tauseef'' Tabassum

Similar Threads:

• husn baazaar huaa kyaa ki hunar Khatm huaa
• Ghaaze kii tah utar gayii, chehra nikhar gayaa
• Uff ye bedard siyaahi ye hawaa ke nauhe
• Mujhe khud se hain shikaytain, Mujhe zindagi se gilaa nahin
• Mujhe khud se hain shikaaytain, mujhe zindagi se gilaa nahin,