Attention Guest, if you are not a member of Urdu Tehzeb, you have 1 new private message waiting, to view it you must fill out 
dard minnat kashe-dava na hua
main na acha hua, bura na hua
jamaa karate ho kyon raqibon ko
ik tamaaha hua gila na hua
ham kahan qismat azamane jaayein
tu hi jab khanjar aazma na hua
kitane shirien hain tere lab ke raqib
gaaliyaan khake bemaza na hua
hai khabar garm unke aane ki
aaj hii ghar mein boriya na hua
kya vo namrud ki Khudai thi
bandagi mein mera bhala na hua
jaan di, di hui usi ki thi
haq to yun hai ke haq ada na hua
zakhm gar dab gayaa lahu na thama
kaam gar ruk gaya rava na hua
rahazani hai ki dil-sitaanee hai
leke dil, dil-sitaan rava na hua
kuch to padhiye ki log kehte hain
aaj 'Ghalib' Gazal-saraa na hua
Similar Threads:
Reply With Quote
Originally Posted by UmerAmer
Bookmarks