Kaheen kuch bhi nahi badla
Naya yeh shehr hai lekin akelepan ki wehshat ne yahan bhi ghair rakha hai
Wohe uljhan preshani jo pehle thi so abh bhi hai
Wohe din hai wohe raateiN
Wohe hum hain wohe maateiN
Yahan bhi sou balayeiN haiN jiger ka khoon peenay ko
Yahan bhi dam nikalta hai faqt aik saNs jeenay ko
Yahan bhi saNp ban kar rasteen pe rog paltay haiN
Yahan bhi aarzoo ke naam par bus sog paltay haiN
Yahan pe bhi be-sakooni hai
Yahan bhi ghar nahi apna
Yahan bhi be-zameeni hai
KaheeN kuch bhi nahi badla
Yahan bhi qohr pe lipti hoi raatooN ki Sardi hai
Yahan bhi mashghala apna wohe awara-gardi hai
Yahan bhi un-ginet asbaab haiN neendeiN urhanay ko
Yahan bhi khobsorat log haiN dil ke churanay ko
Zara aik firaaq se pariyoon ka koi dais hai yeh bhi
Tumhare shehr jesa hai magar perdais hai yeh bhi
Wohe sab hai jo pichle shehr meiN hum chorh aye haiN
Wohe uljhan, preshani jo pehle thi so abh bhi hai...
Bookmarks