Dil Badel De

[Lost Passenger]

Walaikum salam. kaise hain aap ? Must be fine IN SHA ALLAH..bohot khushi hoi aap ko bohot waqt ke baad hamare darmyan daikh kar.. Allah pak aap ke is husn-e-nazar ko salamat rakhe ke jis se aap dunia ka dard mehsoos karte hain. aur us dard ko apni tahareer main piro dete hain.

baat ye nahi hai ke aap kitne din baad onlien aaye hain.aap ki tehreer mai aghlaat hain ya nahi..asal bat ye hai ke aap ne likha kia hai.aap ne hamare moaashre ke aik hassaas pehlu ko zer-e-behes kia hai.

ye hi aalam hai tamaam ehl e dunia ka ke..apne apne kaamoun main magan hain..kisi ko kisi se koi gharz nahi..kis ki kia zaroorat hai. kis ki kia kami hai..kisi ko hosh nahi.Allah pak sab ke dil badal de..aameen..

JazakAllah is tehreer ko hamare sath share karne ke liye .

Buhat shukria Rubi mairi is kawish ko perhney aur serhaney key liye mai'n Allah key fazal sey ab kafi behter hoo'n Allah ney itney muhabbet kerney waley ata kiye hai'n keh agr tamam umr bhi uska shuker ada kerta rahoo'n tu pura na ho, sadqa roz nikalney kiaadet dali hey tu Allah bacha hi laita hey abhi apney knee ki injury sey hi puri terha nahi'n sambhal paya tha keh 21 Ramzan-ul- Mubarak ko ain gromader key chowek per ek bike wala apni bike samait is gram jaoshi sey baghal geer huwa keh uski muhabbet mairi left side per sixth rip ko fracture ker gai aur baqi asraat bhi kafi rahey, jaha'n tek tehreer ka taluq hey mujhey lgta hey keh her guzertey roz key sath mairey liye likhna dushwar ter hota ja raha hey apney aas paas phili ye la chariya'n mujhey mustaqil bechain rakhti hai'n kabhi kabhi tu der lgta hey keh kahi'n nafsiyati mareez ban ker na reh jaoo'n,aaj kisi k paas kisi k liye waqt nahi'n hey mairey bachey mujh sey shaki hai'n keh mai'n bahir khaney k liye nahi'n jata mai'n unhai'n ye kaisey samjhaoo'n keh jub hun khana khaney bhithey hoo'n aur aap key samney kuch fasley per koi bacha sirf is intizar mai'n baitha ho keh agr kuch bach jaye tu shayed usey bhi mil jaye tu khana halq sey neechey nahi'n uterta jis aadmi ki soch ka mai'n ney apni tehreer mai'n ziker kia wo mairi hi soch hey laikin mai'n akeyla kuch bhi nahi'n ker sakta ye bhi ek be basi hey, Allah hamarey haal per rehem fermaye, hamaisha khush aur salamet raho,Ameen.