Attention Guest, if you are not a member of Urdu Tehzeb, you have 1 new private message waiting, to view it you must fill out 
کنٹونمنٹس الیکشن: کاغذات واپس لینے کا مرحلہ مکمل، 15 امیدوار بلامقابلہ منتخب
کنٹونمنٹ بورڈز میں پچیس اپریل کو ہونے والے بلدیاتی الیکشن کے لئے کاغذات نامزدگی واپس لینے کا مرحلہ مکمل ہو گیا۔ پندرہ امیدوار بلامقابلہ منتخب ہو گئے۔ تین کا تعلق تحریک انصاف، دو کا ایم کیو ایم ، ایک مسلم لیگ ن اور نو آزاد امیدوار شامل ہیں۔
لاہور: (ویب ڈیسک،دنیا نیوز) ملک بھر کے کنٹونمٹ بورڈز میں پچیس اپریل کو بلدیاتی الیکشن ہوں گے۔ جمعہ المبارک کو کاغذات نامزدگی واپس لینے کے آخری دن درجنوں امیداروں نے کاغذات واپس لے لئے۔ ہفتہ کے روز حتمی فہرستیں آویزاں اور انتخابی نشانات الاٹ ہوں گے۔ لاہور کنٹونمنٹ بورڈ کی دس نشستوں سے بائیس امیدواروں نے کاغذات واپس لے لئے۔ پچاسی امیدوار میدان میں رہ گئے ہیں۔ والٹن کنٹونمنٹ بورڈ سے سترہ امیدواروں نے کاغذات واپس لے لیے اب ایک سو اٹھارہ امیدواروں کے درمیان مقابلہ ہو گا۔ حیدر آباد کنٹونمنٹ بورڈ کی دو وارڈ ز میں ایم کیو ایم کے امیدواروں کے مقابلے میں کسی نے کاغذات جمع نہیں کرائے۔ کوئٹہ کے 5 وارڈز میں چھیالیس امیدواروں کے کاغذات نامزدگی منظور جبکہ سات کے مسترد ہو گئے۔ ملتان کی دس وارڈز میں سے تین پر امیدوار بلامقابلہ منتخب ہو گئے جن میں مسلم لیگ ن کے طارق نیاز ، تحریک انصاف کے فضل حسین ،آزاد امیدوار ضیغم ملک شامل ہیں۔ گوجرانوالہ، سیالکوٹ اور کھاریاں بورڈز کی سترہ وارڈز میں ایک سو پچاس امیدواروں میں مقابلہ ہوگا۔ مری سے پی ٹی آئی کے خلیل ملک بلامقابلہ منتخب ہو گئے۔ آزاد حیثیت میں منتخب امیدواروں میں منگلا سے محمد ریاست، ایبٹ آباد سے محمد بشیر ،چراٹ سے محمد فاروق اور عامر حسین ، پنوں عاقل سے علی بخش مہر اور خان محمد بروہی ، ژوب سے فتح محمد اور جمعہ خان شامل ہیں۔
Similar Threads:
Reply With Quote
Originally Posted by Moona
Bookmarks