دین سے دُور ، نہ مذہب سے الگ بیٹھا ہوں

[Youthful]

---

دین سے دُور ، نہ مذہب سے الگ بیٹھا ہوں
تیری دہلیز پہ ہوں، سب سے الگ بیٹھا ہوں

ڈھنگ کی بات کہے کوئی ، تو بولوں میں بھی
مطلبی ہوں، کسی مطلب سے الگ بیٹھا ہوں

بزمِ احباب میں حاصل نہ ہوا چین مجھے
مطمئن دل ہے بہت ، جب سے الگ بیٹھا ہوں

غیر سے دُور، مگر اُس کی نگاہوں کے قریں
محفلِ یار میں اِس ڈھب سے الگ بیٹھا ہوں

یہی مسلک ہے مرا، اور یہی میرا مقام
آج تک خواہشِ منصب سے الگ بیٹھا ہوں

عمرکرتا ہوں بسر گوشۂ تنہائی میں
جب سے وہ رُوٹھ گئے ، تب سے الگ بیٹھا ہوں

میرا انداز نصیر اہلِ جہاں سے ہے جدا
سب میں شامل ہوں ، مگر سب سے الگ بیٹھا ہوں

Similar Threads:

• ہر پل دھیان میں بسنے والے، لوگ فسانے ہوجات
• جاتا ہوں جدھر، سب کی اُٹھے ہے اُدھر انگشت
• سانپ سے دوستی ، جنگل میں نہ بھٹکائے کہیں
• دین سے دور ، نہ مذہب سے الگ بیٹھا ہوں
• اس کی حسرت ہے ، جسے دل سے مٹا بھی نہ سکوں