Aik buhat ajeeb sii baat hay jis sey hum sab sey ziada muhabbat
kartey hain us kay takleef denay par bhi hum kabhi jawaban us ko
takleef nahee detey balkey apnay pyaar karnay walon ko detey hain..
akhir kioun?
woh is liye kay jis sey hamain muhabbt ho us ko hum kisi soorat
khona nahee chah rahay hotey aur aik umeed sii us ki taraf sey
hamesha baaqi rehty hay chahay woh hamari umeedon par
poora utrey ya nahee...
aur jo hum sey buhat ziada muhabbt krtey hain un logon
ko hum for granted laitey hain.


Muhabbat main jub koi dhoka dey aur eitmaad torey toh saari
dunia par sey aitbaar uth jata hay kabhi kabhi waqty tor par
, kabhi kabhi hamesha kay liye..
muhabbt main hara hua insaan us panchi ki tarah hota hay
jis ko is baat sey koi dilchaspi nahee hoty kay us ko azaad
kia jaaye ya qaid main rehnay dia jaaye
woh dono soorton main zindagi sey moun morey rakhta hay.
Khooni rishtey ranjishon, jhagron , narazgion sey nahee toot-tey
balkey kamzor bhi nahee hotey..waqty tor par hamain aisa lagta hay
kabhi kabhi magar aisa hota nahee hay

(man-o-salwa by Umaira Ahmad)