Attention Guest, if you are not a member of Urdu Tehzeb, you have 1 new private message waiting, to view it you must fill out 
ربا سچیا !
ربا سچیا ! توں تے آکھیا سی
جا اوئے بندیا جگ دا شاہ ایں توں
ساڈھیاں نعمتاں تیریاں دولتاں نیں
ساڈھا نائب تے عالی جاہ ایں توں
ایس لارے تے ٹور کدی پچھیا ای
کیہ ایس نمانے تے بیتیاں نیں
کدی سار وی لئی اُو رب سائیاں
تیرے شاہ نال جگ کی کیتیاں نیں
کتِے دھونس پولیس سرکار دی اے
کتِے دھاندلی مال پٹوار دی اے
ایویں ہڈاں چ کلپے جان میری
جیویں پھاہی اچ کونج کرلاوندی اے
چنگا شاہ بنایا ای رب سائیاں
پولے کھاندیاں وار نہ آوندی اے
مینوں شاہی نہیں چاہی دی رب میرے
میں تے عزت دا ٹکر منگناں ہاں
مینوں تاہنگ نہیں محلاں ماڑیاں دی
میں تے جیون دی نکڑ منگناں ہاں
میری منیں تے تیریاں میں مناں
تیری سونہہ جے اک وی گل موڑاں
جے ایہہ مانگ نہیں پجدی تے ربا
فیر میں جاواں تے رب کوئی ہور لوڑاں
فیض احمد فیض
Similar Threads:
Reply With Quote
Bookmarks