Attention Guest, if you are not a member of Urdu Tehzeb, you have 1 new private message waiting, to view it you must fill out 
Itnay khawab kahan rakhun ga....?
Aankhon kay bazaar main tu
ab till dharnay ki jaga nahe hay...
Main itnay khawb kahan rakhun ga....?
Palkon ki chahat pe kharay hain...
Bantay mit'tay
Kiya kiya manzar...
Kitni ummeedon kay chehray...!
Kitnay imkaanon kay paikar...!
Hathon mein phoolon kay gajray...
Pairon main khushbu ki jhanjar...
Lafzon kay raishon main
Uljhay qos-e-qaza se wadday hain kuch....
Jin ki lakhon girhen teri ik
Nazar se khul jati hain...
Aur qatarain baandh kay ati
Kuch yaadain hain...
Jinki gard main
Lipti raahen aik
Khabar se dhul
Jate hain...
Jeevan aik tarazu jis kay ik
Palray main
Teray wasl ka
Khawb rakhain tu
Duniya bhar ki
Khushian tull jati hain......!!!!
Similar Threads:
Reply With Quote
Bookmarks