Attention Guest, if you are not a member of Urdu Tehzeb, you have 1 new private message waiting, to view it you must fill out 
منظر کے اردگرد بھی اور آرپار دُھند
آئی کہاں سے آنکھ میں یہ بےشمار دُھند
کیسے نہ اُس کا سارا سفر رائیگاں رہے
جس کاروانِ شوق کی ہے راہگزار دُھند
ہے یہ جو ماہ و سال کا میلہ لگا ہوا
کرتی ہے اس میں چھپ کر مرا انتظار دُھند
آنکھیں وہ بزم، جس کا نشاں ڈولتے چراغ
دل وہ چمن کہ جس کا ہے رنگِ بہار دُھند
کمرے میں میرے غم کے سوا اور کچھ نہیں
کھڑکی سے جھانکتی ہے کسے بار بار دُھند
فردوسِ گوش ٹھہرا ہے مبہم سا کوئی شور
نظارگی کا شہر میں ہے اعتبار ، دُھند
ناٹک میں جیسے بکھرے ہوں کردار جابجا
امجد فضائے جاں میں ہے یوں بےقرار دُھند
Similar Threads:
Reply With Quote
Bookmarks