Mera Intikhab (poetry collection) by ayesha

[ayesha]

گمنام دیاروں میں سفر کیوں نہیں کرتے
اجڑے ہوےّ لوگوں پہ نظر کیوں نہیں کرتے

یہ خواب یہ خوشیوں بھرے ہنستے ہوئے خواب
یہ خواب مرے دل پہ اثر کیوں نہیں کرتے

خواہش کے ، طمانیتِ احساس کے پنچھی
کچھ روز میرے گھر بسر کیوں نہیں کرتے

صبحوں سے ہیں مغلوب تو پھر زُعم ہے کیسا
راتوں پہ ہیں غالب تو سحر کیوں نہیں کرتے

یہ لوگ مسلسل ہیں جو اک خوف کے قیدی
اس خوف کی دیوار میں در کیوں نہیں کرتے

کیوں آپ اٹھاتے ہو اداسی کے یہ اسباب
شاموں کے غلاموں کو خبر کیوں نہیں کرتے

[ayesha]

فقط باتیں اندھیروں کی ,محض قصّے اجالوں کے
چراغ آرزو لے کر نہ تم نکلے نہ ہم نکلے

[ayesha]

کبھی انسان اکیلا ہو کے بھی تنہا نہیں ہوتا
سر محفل کبھی بیٹھے بٹھائے کھو بھی سکتا ہے

[ayesha]

مٹی کی مورتوں کا ہے میلہ لگا ہوا
آنکھیں تلاش کرتی ہیں انسان کبھی کبھی

[ayesha]

نیا نیا عشق کرنے والو,ہمیں سے اس کا زیاں بھی پوچھو

بساط ہستی پہ ہم نے ہارا..کبھی سمندر کبھی ستارہ