Mein Ne Dekha Deewanon Ko Shaam Ke Baad
Dhoond Rahay Thay Weeranon Ko Shaam Ke Baad
Tareeki Phir Saaray Aib Chhupa Le Gi
Le Aana Ghar Mehmaanon Ko Shaam Ke Baad
Mein Ne Oska Sog Manaaya Kuch Aisay
Khaali Rakha Paimaanon Ko Shaam Ke Baad
Yaad Karay Jab Mujhko Teri Tanhai
Dekha Karna Guldaanon Ko Shaam Ke Baad
Farhat Chaand Ke Khauf Se Karlaita Hun Band
Kamray Ke Roshan Daanon Ko Shaam Ke Baad
