وہ جو ادھورے خوابوں کی کہانی تھی
وہ جو میں نے تمہیں سنانی تھی
جب
وقت نے اپنی سانسوں سے روح کے بدن پر لکھا تھا
وقت نارسا کا مہر
اُن شناسا باتوں کا زہر
جو کبھی تم نے مجھ میں انڈیلا تھا
بڑی چاہ سے جسے میں نے سنبھالا تھا
مدت بعد
یہ آج مجھے کس مقام پہ لے آئے ہو
ایسے کہ
نہ آئے ہی ہو اور نہ گئے ہو تم
نہ اپنے ہی ہو اور نہ پرائے ہو تم
میری جان
ادھورے خوابوں کی کہانیاں ادھوری ہی رہنے دو
اور اب
ان ادھوری کہانیوں کو بلاعنوان ہی رہنے دو
