اپنے ماحول سے بھی قیس کے رشتے کیا کیا

اپنے ماحول سے بھی قیس کے رشتے کیا کیا


دشت میں آج بھی اُٹھتے ہیں بگولے کیا کیا
عشق معیار وفا کو نہیں کرتا نیلام
ورنہ ادراک نے دکھلائے تھے رستے کیا کیا
جیسے ہم آدم و حوا کی سزا بھول گئے
ورغلاتے رہے جنت کے نظارے کیا کیا

یہ الگ بات کہ بر سے نہیں گرجے تو بہت
ورنہ بادل مرے صحراؤں پہ اُمڈے کیا کیا
آگ بھڑکی تو درو بام ہوئے راکھ کے ڈھیر
اور دیتے رہے احباب دلاسے کیا کیا
***

Thanks for great sharing

great wark boht umda

Great