ڈیپریشن اور نفسیاتی بیماریاں (علامات و عل&

http://dunya.com.pk/news/special_fea...d397ankjbI.jpg

مختلف قسم کی نفسیاتی بیماریوں اور ڈیپریشن دور کرنے کے لیے دواؤں کے مختلف گروپس استعمال ہوتے ہیں۔ ان میں سکون آور دوائیں بھی شامل ہیں اور اس کے ساتھ ساتھ ڈیپریشن دور کرنے والی دوائیں بھی۔ اس طرح کی چند مشہور دوائیں درج ذیل ہیں: لار جیکٹل (Largactil)، سیرینیس (Serenace) ڈیپریکیپ (Depricap)، لوڈیول (Ludiomil) زینکس (Xanax)، ریسٹورل (Restoril) فریسیم (Frisium) مضراثرات:٭ غنودگی، منہ خشک ہونا ٭ جسم کے پٹھوں میں اکڑاؤ، ہاتھ اور پاؤں میں رعشہ ٭ نظر میں دھندلاہٹ ٭ متلی، قے ، قبض ٭ دل کی دھڑکن میں اضافہ، جلد پر روشنی کا منفی اثر اور الرجی ٭ مردوں میں چھاتیوں کا ابھار اور عورتوں میں چھاتیوں میں زیادہ دودھ کا اترنا ٭ پریشانی اور ڈیپریشن میں اضافہ اور خودکشی کا رجحان ہونا ٭ کپکپی، سردرد، دست، بخار وغیرہ احتیاط:٭ ڈیپریشن میں سکون آور دوائیں کبھی بھی اپنی مرضی سے استعمال نہ کریں۔ ٭ اگر دوا استعمال کرنے کے بعد کسی قسم کا مضر اثر ہونا شروع ہو تو فوراً دوا بند کر دیں۔ ٭ مرگی، جگر کی خرابی، دل کی بیماریوں، ذیابیطس اور حمل کی صورت میں ان دواؤں کو استعمال نہ کیا جائے۔ دوا کی نوعیت اور ضرورت کی اہمیت:نفسیاتی بیماریوں اور ڈیپریشن دور کرنے والی دوائیوں کے بہت مضر اثرات ہوتے ہیں۔ اس لئے ضروری ہے کہ ایسی تمام دواؤں کو ہمیشہ کسی نفسیاتی و ذہنی امراض کے ڈاکٹر کے مشورہ سے استعمال کیا جائے کیونکہ نفسیاتی امراض میں دوا کے استعمال میں خاص احتیاط کی ضرورت ہوتی ہے اور دوا کو مریض کی حالت کے مطابق کم یا زیادہ کرنا پڑتا ہے۔ آسان اور متبادل علاج: آج کے دور میں گونا گوں معاشرتی، سماجی مسائل اور مالی پریشانیوں کی وجہ سے ذہنی اور نفسیاتی بیماریوں میں اضافہ ہوتا جا رہا ہے۔ ہر کوئی پریشان نظر آتا ہے۔ ڈیپریشن تو اتنی عام ہے کہ شاید ہی کوئی فرد ڈیپریشن کے چھوٹے بڑے حملے سے محفوظ رہا ہو۔ روزانہ کسی نہ کسی ایسی صورت حال سے پالا پڑتا ہے۔ جس کی وجہ سے خواہ مخواہ کی ڈیپریشن ہو جاتی ہے اور اس کے زیادہ ہونے کی صورت میں تو اس کا نتیجہ خود کشی کی صورت میں نکلتا ہے۔ خود کشی کی وجہ 100 فیصد ڈیپریشن ہے۔ بعض اوقات بغیر کسی وجہ سے ڈیپریشن شروع ہو جاتا ہے اور بڑے بڑے کامیاب لوگ جن کی زندگی ہر لحاظ سے قابل رشک ہوتی ہے وہ بیان کرتے ہیں کہ ان کا زندہ رہنے کو دل نہیں کرتا۔ ڈیپریشن میں انسان خود کو لا چار اور بے بس محسوس کرتا ہے اور کوئی نہ کوئی سہارا ڈھونڈنے کی کوشش کرتا ہے۔ ایسی حالت میں ڈیپریشن دور کرنے والی دوائیں کچھ نہ کچھ سہاراتو ضرور دیتی ہیں لیکن مستقل مسئلہ کا حل نہیں۔ ڈیپریشن اور دوسرے نفسیاتی مسائل کے لیے مندرجہ ذیل ہدایات پر عمل کریں۔ ٭ اللہ تعالیٰ پر یقین کامل رکھیں کوئی بھی کام شروع کرنے سے پہلے اس سے مدد مانگیں۔ اپنا کام پوری دل جمعی اور ایمانداری سے کریں اور نتیجہ اللہ پر چھوڑ دیں۔ ٭ اللہ تعالیٰ شکر ادا کریں جس نے آپ کو جسمانی اور دنیاوی نعمتوں سے نوازا ہے۔ اگر کوئی ایک نعمت ہے یا چھن گئی ہے تو جو نعمتیں موجود ہیں ان کے لیے اس کا شکریہ ادا کریں اور مزید کے لیے اللہ سے مدد مانگیں۔ ٭ اپنے آپ پر اعتماد رکھیں۔ آپ کو ایک خاص مقصد کے لیے دنیا میں بھیجا گیا ہے۔ اللہ نے آپ کو احسن التقویم بنایا ہے۔ اپنے اشرف المخلوقات ہونے کا ثبوت دیں۔ ٭ سیب کو شہد ملے دودھ کے ساتھ استعمال کیا جائے تو ہر طرح کی ڈیپریشن کم ہو جاتی ہے۔ ٭ معمول کی چائے اور کافی کی بجائے گلاب کی پتیوں سے قہوہ بنا کر پیا جائے، بہت جلد طبیعت بحال ہو جاتی ہے۔ ٭ کاجو ڈیپریشن کو ختم کرنے میں حیرت انگیز خوبیوں کا حامل ہے۔ موسم سرما میں اس کا استعمال جاری رہنا چاہیے۔ ٭ ڈیپریشن میں سیب کا دودھ اور شہد کے ساتھ استعمال اعصاب کو ری چارج کے لیے یہ بہترین نسخہ ہے۔ ٭ روزانہ صبح اٹھتے وقت ایک پروگرام بنائیں اور اس کے مطابق عمل کریں۔ جو چیز زیادہ اہم اور ضروری ہے اسے پہلے کریں۔ اپنے خیالات کو پراگندہ نہ ہونے دیں۔ نفرت، غصے، پشیمانی، پریشانی اور حد کے جذبات کو دل سے نکال دیں۔ محبت، خوشی، پیار اور ہم آہنگی کے جذبات کو دل میں بسا لیں۔ آپ کا جی راضی ہو گا اور آپ خوش و خرم رہیں گے۔ ٭ سادہ طرز زندگی اپنائیں سادہ غذا کھائیں اور آپ اپنے آپ کو مختلف مشاغل یا فلاحی کاموں میں مصروف کریں۔ (دوا، غذا اور شفاء از ڈاکٹر آصف محمود جاہ