Ab Khushi Hai Na Koi Dard Rulanay Wala.........!!!

اب خوشی ہے نہ کوئی درد رُلانے والا
ہم نے اپنا لِیا ہر رنگ زمانے والا

اُس کو رُخصت تو کِیا تھا، مجھے معلوُم نہ تھا
سارا گھر لے گیا، گھر چھوڑ کے جانے والا

اِک مُسافر کے سفر جیسی ہے سب کی دُنیا
کوئی جلدی میں، کوئی دیر سے جانے والا

ایک بے چہرہ سی اُمّید ہے چہرہ چہرہ
جس طرف دیکھیے آنے کو ہے آنے والا

ندا فاضلی

عمدہ اور خوب صورت انتخاب
شیئر کرنے کا شکریہ

buht koob aur lajwab sharing