Samander main utarta hoon to aankhain bheeg jaati hain
Samander main utarta hoon to aankhain bheeg jaati hain
Teri aankhon to parrta hoon to aankhain bheeg jaati hain
Tumhara naam likhnay ki ijazat chin gaye jab say
koi bhi lafz likhta hoon to aankhain bheeg jaati hain
Teri Yadon ki khushboo khirrkyon main raqs karti hai
Teray ghum main sulagta hoon to aankhain bheeg jaati hain
main hans kay jheel leta hoon judai ki sabhi rasmain
galay jab uss kay lagta hoon to aankhain bheeg jaati hain
nah janay ho gia hoon iss qadar hasaas main kab say
kisi say baat karta hoon to aankhain bheeg jaati hain
woh sab guzray huay lamhaat muj ko yaad aatay hain
tumharay khat jo parrta hoon to aankhain bheeg jaati hain
main sara din bahut masroof rehta hoon magar jun hi
qadam chokhat pay rekhta hoon to aankhain bheeg jaati hain
har ik muflis kay mathay per alam ki dastaanain hain
koi bhi chehra parrta hoon to aankhain bheeg jaati hain
baday logon kay oonchay badnuma aur sard mehlon ko
ghareeb aankhon say takta hoon to aankhain bheeg jaati hain
teray koochay say ab mera taaluq ab wajbi sa hai
magar jab bhi guzarta hoon to aankhain bheeg jaati hain
hazaron mosamon ki hukmarani hai meray dil per
Wasi main jab bhi hansta hoon to aankhain bheeg jaati hain
Re: Samander main utarta hoon to aankhain bheeg jaati hain
Re: Samander main utarta hoon to aankhain bheeg jaati hain
Quote:
Originally Posted by
UmerAmer
Bohat Khoob
Zabardast
