زندگی کی دلفریبی سے اماں کیا پاؤں گا

زندگی کی دلفریبی سے اماں کیا پاؤں گا

میں اسی کافر ادا پر جاں فدا کر جاؤں گا

ناصحا اس بات کا کچھ پہلے کر لے فیصلہ

تو مجھے سمجھائے گا یا میں تجھے سمجھاؤں گا

ہر مکاں سے ہی کوئی آواز اگر آنے لگی

میں تجھے پہچاننے کس کس مکاں میں جاؤں گا

آنکھ بھر کر دیکھنے کی تجھ کو کیا جرات کروں

مجھ کو یوں محسوس ہوتا ہے کہ میں جل جاؤں گا

میری مٹی میں ترنم کی ملاوٹ ہے عدم

گاتا آیا تھا یہاں ، گاتا ہی واپس جاؤں گا

٭٭٭

بہت عمدہ اور لاجواب شیئرنگ کا شکریہ
آپ کی مزید اچھی اچھی پوسٹس کا انتظار رہے گا

Bohat Khoob