ذہانت اورطویل العمری کاتعلق
http://dunya.com.pk/news/special_fea...oSdhoniUnA.jpg
نصرت شبنم
ذہین افراد نا صرف اوسط شخص کے مقابلے میں زیادہ ہوشیار ہوتے ہیں، بلکہ ایسا معلوم ہوتا ہے کہ ان کی زندگی بھی لمبی ہوتی ہے،جیسا کہ ایک نئے مطالعے سے پتا چلتا ہے کہ وراثت میں ملنے والی وہ جینز جو ہمیں ذہین بناتی ہے وہی جینز لمبی زندگی جینے میں بھی ہماری مدد کرتی ہے۔نئے مطالعے سے منسلک تحقیق کاروں نے ذہانت اور متوقع عمر کے درمیان تعلق کی جانچ پڑتال کی ہے۔تحقیق دانوں نے نتائج میں بتایا کہ ذہانت اور لمبی عمر کے درمیان ہمیں جو تعلق ملا ہے، وہ زیادہ ترجینز کی وجہ سے تھا۔ماہرین کو جڑواں بچوں کے مطالعے کے تجزیہ سے پتا چلا کہ ذہین بچوں میں کم ہوشیار بچوں کی نسبت لمبی عمر جینے کا امکان تھا۔ محققین نے سو یڈن، امریکہ اور ڈنمارک کے تین مختلف مطالعوں کا تجزیہ کیا ، جس میں مشابہ جڑواں بچوں اور غیر مشابہ جڑواں بچوں کے درمیان متوقع عمرکے فرق کو دیکھا ۔ان جڑواں بچوں کے ہر جوڑے میں ایک بچے کا انتقال ہو گیا تھا، جبکہ محققین نے صرف ایک ہی جنس رکھنے والے جڑواں بچوں کو تجزیہ میں شامل کیا تھا۔مشاہدے میں ماہرین نے جڑواں بچوں کی ذہانت کی سطح اور موت کی عمر کے ریکارڈ کو دیکھا۔ محققین کی ٹیم حاصل شدہ ڈیٹا کا تجزیہ کرتے ہوئے اس نتیجے پر پہنچی کہ،جڑواں بچوں میں سے ہرجوڑے میں سے ایک کی عمر طویل تھی، اور یہ اثر غیر مشابہ بچوں کے درمیان کہیں زیادہ نمایاں تھا۔محققین نے تحقیق کے نتائج کو اعداد و شمار کی مدد سے مرتب کیا، جس سے یہ حیران کن نظریہ سامنے آیا ہے کہ ذہانت اور عمر کے درمیان جو تعلق ہے اس کی ذمہ دار 95 فیصد جینز تھی۔ مصنف روزالینڈ آرڈین نے لکھا کہ جڑواں بچوں کے درمیان ذہانت کا فرق تھا اور ان کی موت کی عمر بھی کافی مختلف تھی۔محقق آرڈین نے کہا کہ نتائج سے یہ واضح نہیں ہو سکا کہ یہ جینیاتی تعلق ذہانت اور طویل عمر کے لیے کس طرح کام کرتا ہے۔ان کا کہنا تھا کہ ممکن ہے کہ ’’جن لوگوں کے پاس وہ جینز ہوتی ہے،جو انھیں ذہین بناتی ہے ان کے پاس ایسی جینز بھی ہوتی ہے جو انھیں صحت مند رکھتی ہے، یا پھر ایسا بھی ہو سکتا ہے کہ ذہانت اور عمر دونوں جینیاتی تبدیلیوں کے لیے حساس ہیں اور جن لوگوں کے پاس کم ناقص جین ہوتی ہے وہ لمبی زندگی جیتے ہیں ۔‘‘بقول پروفیسر آرڈین ’’ ذہانت اور عمر کے درمیان تعلق چھوٹا تھا لہٰذا آپ اپنے بچوں کے امتحان کے نتائج کو دیکھ کر ان کی عمر کا اندازا نہیں لگا سکتے ہیں۔‘‘مصنفہ مزید کہتی ہیں’’ دیکھا گیا ہے کہ جو بچے ذہانت کے امتحان میں زیادہ نمبر لیتے ہیں، ان میں لمبی عمر جینے کا امکان ہوتا ہے،اس کے علاوہ وہ لوگ جو تنظیمی ڈھانچوں کے اعلی عہدوں مثلا سینئر سول ملازمین ہیں ان میں بھی طویل عمر کا رجحان ملتا ہے تاہم ان دونوں صورتوں میں ہم یہ نہیں جانتے ہیں کہ ایسا کیوں ہوتا ہے۔ لیکن ہمارے مطالعے میں ایسے شواہد ملے ہیں، جن سے پتا چلتا ہے کہ ذہانت اعلیٰ عہدے پر کام کرنے کے لیے ایک اہم کردار ادا کرتی ہے، جب کہ اعلیٰ عہدے اور لمبی عمر کے درمیان تعلق رتبے کا اثر نہیں ہے بلکہ یہ ڈی این اے کا نتیجہ ہے۔‘‘ ٭…٭…٭
Re: ذہانت اورطویل العمری کاتعلق
Nice Sharing
Thanks For Sharing
Re: ذہانت اورطویل العمری کاتعلق
Quote:
Originally Posted by
UmerAmer
Nice Sharing
Thanks For Sharing
