Ye Khayal Hi Toh Hai Joh Naina Ko Aj Kal Bohot Aa Raha Tha.Par Wo Hamesha Ki Tarha Muttmainn Thi Kion Ke Wo Khud Main Hamesha Hi Aitmad Paati Thi Aur Khud Ko Hamesha Aik Hi Nazariye Se Sochti Rahi Hai Aur Aaj Tak Soch Rahi Hai.Zindagi Main Us Ko Akaila Pann Bhi Mila Aur Raahain Bhi Mili ,Waqt Bhi Mila Aur Zariye Bhi Mile Par Na Us Ne Kehne Ko Sirf Waqt Paas Kia Na Hi Khud Ko Zara Bhi Idhar Udhar Ke Khayal Main Bhatakne Hi Dia.Kion Ke Us Ki Soch Ka Markaz Sirf Us Ka Eemaan Aur Us Ki Zindagi Se Talluq Rakhne Wale Wo Loug The Ke Jin Ki Wo Jageer Thi.
Job Ka Waqt Ke Kabhi Ghar Se Office Aur Office Se Ghar.Sou Lougon Ki Nazrain Aur Sou Lougon Ki Baatain..Sou Lougon Ki Hamdardi Aur Sou Sou Taareefain Par Wo Qaail Nahi Thi In Sab Asraat Ke Zer-E-Asar Aane Ki, Lougon Ko Radd Karti Rahi Aura Age Barhti Rahi Phir Youn Bhi Hua Ke Kabhi Wo Khud Ko Akaila Bhi Paane Lagi Ke Us Ko Koi Sune Aur Us Ko Koi Mashware Bhi De Aur Is Ke Liye Us Ne Internet Ko Bohot Baparda Zarya Paaya Is Maqsad Ke Liye ,Us Ko Internet Pe Azaad Khayali Aur Azaadi Dikhane Ka Moqa Bhi Mila. Khud Ko Chupa Ke Sirf Aur Sirf Apne Mann Ki Sari Wo Baatoun Se Lutf Andoz Hone Ka Moqa Bhi Mila Ke Jinn Ko Har Insan Bazahir Nahi Par Andar Hi Andar Khud Main Mehsoos Karta Hai.Kisi Ki Soch Ya Kisi Ki Tawajoh..Sab Kuch Us Ko Mill Raha Tha..Milta Raha Kafi Saal Us Ne Internt Pe Messenger Par Lougon Se Apni Zindagi Ka Haal Kaha.Par Kabhi Bhi Us Ne Khud Ko Us Dunia Main Khone Nahi Dia.Kion Ke Wo Apni Izzat Khud Karti Thi Aur Us Ki Izzat Is Main Hi Thi Ke Wo Jis Se Wabasta Hai Bas Us Ki Izzat Ka Har Pal Khayal Rakhe.
Us Ka Yaqeen Tha Is Baat Par Ke Shohar Aur Biwi Ka Rishta Sirf Aitmaad Aur Apni Apni Sachayee Pe Qaaim Hai.Aik Andar Hi Andar Doosre Ko Dhoka De Ga Toh Doosra Bhi Us Ko Dhoke Main Hi Rakhe Hue Hoga..Bas Ye Soch Us Ko Ab Tak Sirf Us Insane Se Wabasta Rakhe Hue Thi Jis Ka Naam Us Se Markooz Tha.
Khamosh Ho Jati Thi. Khud Main Hi Chup Jati Thi Jab Khud Ko Sari Dunia Main Sab Ke Samne Tanha Paati Thi, Mard Ki Zaat Toh Masroof Zaat Hai Kabhi Yahan Kabhi Wahan,Phir Naina Bohot Hassaas Bhi Thi , Toh Khud Ko Bayan Karne Ke Liye Alfaaz Ka Sahara Bhi Chhati Thi.Aur Jawaban Alfaaz Hi Sunn Na Chahti Thi. Par Us Ko Ye Alfaaz Kabhi Sunn Ne Ko Mile Hi Nahi. Khayaal Aata Tha Us Ko Ke Kia Mushkil Hai Behek Jana..Par Wo Nahi Behki.
Lafz Behekna Bhi Us Ke Liye Koi Ache Maani Nahi Rakhta Tha..Apni Soch Se Hat Jana Hi Us Ke Liye Behekna Tha.Baki Baatain Toh Bohot Baad Main Aati Hain.Kuch Tanha Uski Apni Zaat Thi Kuch Qudrat Ne Us Ko Beaulaadi De Kar Tana Rakha.Hota Hai Aisa Kabhi Kabhi.Par Aik Baat Soch Kar Wo Dil Ko Behlawa Deti Thi Ke Aaj Ke Waqt Ka Jab Allah Malik Hai Toh Aane Wale Waqt Ka Bhi Allah Hi Malik Hai. Shayad Ye Hi Us Ka Eemaan Shayad Ye Hi Us Ka Yakeen Us Ko Sirf Ussi Ka Banaaye Rakha Ke Jis Ki Wo Thi , Hai Aur Hamesha Rehne Ka Sochti Hai.Kia Us Ko Sila Mile Ga Is Soch Ka.Kion Ke Us Ka Daman Toh Khali Tha.
