دوسرا ٹی ٹوئنٹی ، پاکستان نے سری لنکا کو شک

دوسرا ٹی ٹوئنٹی ، پاکستان نے سری لنکا کو شکست دے دی

http://img.dunyanews.tv/news/2015/Au...6_60467125.jpg

کولمبو: (دنیا نیوز) ایک سو تہتر رنز کے ہدف کے تعاقب میں پاکستان کا آغاز اچھا نہ تھا دونوں اوپنرز تیسرے اوور میں سولہ کے مجموعی سکور پر پویلین لوٹ گئے۔ احمد شہزاد سات رنز بنا کر بینورا فرنینڈو کی گیند پر بولڈ ہوئے۔ مختار احمد دوسرے میچ میں بھی ناکام رہے اور سات رنز بنا کر فرنینڈو کی گیند پر ہی کیچ آوٹ ہوئے۔ حفیظ گیارہ اور عمر اکمل چار رنز بنا کر رن آوٹ ہوئے۔ ثانیہ کی گراؤنڈ میں موجودگی کے باوجود شعیب ملک کا بلا رنز اگلنے میں ناکام رہا اور صرف 8 رنز بنا سکے اور پویلین جا بیھٹے۔ شاہد آفریدی نے چار چھکوں اور ایک چوکے کی مدد سے 45 رنز بنا کر آؤٹ ہو گئے ۔ انور علی نے جارحانہ انداز اپناتے ہوئے صرف 17 گیندوں پر چار چھکوں اور تین چوکوں کی مدد سے 46 رنز کی شاندار اننگز کھیل کر پاکستانی ٹیم کی امیدوں کو پھر سے زندہ کر دیا اور پھر عماد وسیم نے چھکا لگا کر پاکستان کو فتح سے ہمکنار کروا دیا۔ عماد وسیم دو چوکوں اور ایک چھکے کی مدد سے 24 رنز بنا کر ناٹ آؤٹ رہے۔ ٹی ٹوئنٹی سیریز میں کلین سوئپ کرنے سے پاکستانی ٹیم آئی سی سی کی عالمی ٹی ٹوئنٹی رینکنگ میں پانچویں سے تیسرے نمبر پر آ گئی ہے اور ساتھ ہی تینوں فارمیٹس کی سیریز کو اپنے نام کر لیا۔ میزبان ٹیم نے ٹاس جیت کر پہلے بیٹنگ کی۔ پاکستان کی طرف سے انور علی نے باولنگ کا آغاز کیا۔ پہلے اوور میں سری لنکا نے سات رنز بنائے جبکہ دوسرے اوور میں کوشال پریرہ نے روایتی انداز میں بیٹنگ کرتے ہوئے دو چوکے لگائے۔ سری لنکا کی پہلی وکٹ چوبیس کے سکور پر گری جب دلشان 10 رنز بنا کر انور علی کی گیند پر کیچ آؤٹ ہو گئے۔ سری لنکا کو 32 رنز پر دوسری وکٹ کا نقصان پریرہ کی صورت میں اٹھانا پڑا جب انہیں شعیب ملک نے کلین بولڈ کیا۔ سری لنکا کو 61 رنز پر تیسری وکٹ کا نقصان اٹھانا پڑا جب شاہد آفریدی نے سلوا کو 14 رنزپر آؤٹ کر دیا۔ مجموعی سکور میں تین رنز کے اضافے پر شعیب ملک نے تسارا پریرہ کو آؤٹ کیا اور وہ صرف ایک رن ہی بنا سکے۔ سری لنکا نے پانچویں وکٹ جے سوریا کی صورت میں گری جو عمدہ بیٹنگ کر رہے تھے اور 40 کے سکور پر سہیل تنویر کے ہاتھوں آؤٹ ہو گئے۔ 145 کے مجموعی اسکور پر سری لنکا کی چھٹی گری۔ کپو گیدرا 48 رنز بنا کر نمایاں رہے۔ پاکستان کی جانب سے شعیب ملک نے 2 جب کہ سہیل تنویر، شاہد آفریدی ، انور علی اور محمد عرفان نے ایک ایک وکٹ حاصل کی ۔واضح رہے پہلے ٹی ٹوئنٹی میچ میں پاکستان نے سری لنکا کو 29 رنز سے شکست دی تھی۔