What's that women day about?
Why are these wishes?
"Khawateen ka aalami din"
Na jany ku is lafz se mere dimagh ki veins phatny ko hain...
Is lafz k samayat se takraty hi mere zehn mai wo tmam chahry goom jaty hain jo izziyot o be basi ki zinda tasweer hain...
kisi ne ku cherr dia ye lafz
ku soye dard jaga diye
ary marham nhi to kam az kam namak to na chirko...
Mai kia kia yad ker k roo'nn?
kis kis zakham pe ansu bahaon?
"Dr Afia Siddiqui"
jisy is qoom ne darindo k hwaly kia
ya "shumaila"
jis ne apny shohar ki mout pe insaf mangty mangty khudkushi kr li
wo aurat jis k gumshuda bachy salon bad adalat se is halat mai paish kiye gaye k wo buhadur zindagi har gayi
nam gino to khatam hony pe nhi ayen ge
Wo aurtain jinho ne apne lakht e jigar ankhon k samny cheethron mai badalty dekhy
Wo aurtain jin ka koi sahara nhi
gar se masoom jano'n ka pait palny nikalti hain
to hazarha ghaleez nazrain unka pal pal azab k deti hain
wo aurtain jin roh maheeny ki akhri tareekh pe milny wali tankhwa k liye halkan hoti h k mily to bory baap ki dwa la skain or is haq pe b unhain zaleel kia jata h phir mazdori milti hai
ya wo aurtain
jinko aflas k bais jism faroshi pe majbor kia jata hai
wo aurtain jo bina jurm
ibn e adam ki hwas ka hr roz nishana banti hain
wo aurtain jo jaheez ki lanat k bais baap ki dehlez pe borri ho jati hain
wo aurtain jinhain paon ki joti smj kr hmari society mai treat kia jata hai
ya wo aurtain jinki umer faryad krty guzar jati h koi sunny wala nhi hota
jin ki siskiyan ander hi mar jati hain
jinhain zinda hoty dargor kr dia jaty hai
jin k nazuk hathon mai aahni dasty pakra diye jaty hain
jinki masoom khwahishain her roz kuchli jati hain
jo hr roz zinda ho k marti hain
kis kis ka matam kron??
kis kis pe anso bahaon?
k alfaz bayan krny se qasir hain
sunny waly smjny se qasir hain
Salis insaf deny se qasir hain
Kamzarf izzat deny se qasir hain
bar sar e iqtadar reham se khali hain
kon suny ???
kon smjy???
kon kry marham???
to phir "Women day" ka tmasha ku??
Ku na sor ko chera jata hai ??
Ku???????
