khoobsoorat silsila shroo hua tha k rukta na tha.us waqt apne
kamre ki khirki se main ne barish ko daikh k kafi kuch likha tha
par barish k bare main us k baad bar bar likhne ko aur barish ki
khoobsoorti ko bar bar mehsoss karne ko jee chahata hai
subh ka waqt tha,door se garaj chamak ki awazen aa rahi thi..aur
roshni itni ziada na thi toh kuch sham ka guman hota tha..halki
halki barasti barish youn tez hoti gai jaise kisi khoobsoorat
safar pe rawan kisi musafir ki raftar..youn girte pani ka shor
,,pani ki taiz dhar aise kanon ko sunai de rahi thi jaise koi
rythem ho.khamoshi charon taraf..kehne ko toh poora sheher jaag
raha tha magar barish k shor main sab khamosh lagte the..koi
ikka dukka tez barish main bhagta hua kabhi is taraf kabhi us
taraf chala jata tha..goya us ko guman ho k barish kabhi thame
gi hi nahi..
youn tez barish k khof se kamre ki adh khuli khirkion se barish
ka thanda behta pani,aise beh raha tha jaise kab se yeh
khirkiyan intzar main theen k barish barse aur in pe jami dhool
ko dho de.pani tah k thamta hi na tha.. lag raha tha jaise is ki
thandak dil main utar gai ho.khuahish thi k yeh thandak ka ehsas
kabhi khatam na ho
youn tez bochaar aasmaan se zameen ki taraf aa rahi thi jaise
koi fauj ho joh zameen main dhanse ja rahi hai..aur aik k bad
aik aik k baad aik fauji zameen main utarne ko taiyar hai rukti
bhi toh na thi woh fauj..bara khoobsoorat manzar tha..tez barish
ne manzar ko bhi toh dhundla dia tha.magar phir bhi door hare
bhare darakhta jin ko kahbi thandi hawa choo jati toh aise jhoom
uthte goya is hawa k choone k hi muntazir the.......aur youn
barishon se dhule ja rahe the jaise na jane kab se is k hi
intizar main piyase khare the.......in ki sabzi aur bhi nikhar
gai thi..in k patton se pani bhi youn tapakta tha jaise koi pani
ko apne hathon main le k youn zameen pe phainkta ho k jaise
zemeen ko is hi andaz main girta pani pasand hai..............
barish main woh thankdak thi jaise barson ki thandak aik hi waqt
main in darakhton ne apne andar sama li ho.aur in darakhton pe
bane parindon k ghosle barish ki taizi se parindon ko chupa nahi
pa rahe the.parindon ne bhi toh barish ko mehsoos
kia........kabhi us mundair kabhi is mundair apne par pharphara
k aise pani ko jhatakte jaise barish kab ki tham gai..jaise apne
paron se wazan jhatak dia..magar barish phir un ko bojhal kar
jati.
jee main aata tha k yeh thandak ka ehsas ..yeh mosam ki
taazgi..yeh hawa ka chalna ..yeh pani barasna..yeh haryali yeh
barish ka shor,barasti barish ki tezi,logon ka dar dar k
chalnasab zindagi ka mustaqil hissa ban jayen..magar kaise
..mosam toh aate jate rehte hain..kabhi yeh mosam sard toh kabhi garm..
.bas younhi is barish ko daikhte daikhte kab sardi ka
ehsaas hua aur kab be dhiyani main khirki ko band kar liya yaad
hi nahi raha..par yaad raha toh sirf woh manzar joh ab bhoolta
nahi..k kaise barish dilon ko tar-o-taza kar jati hai..kaise
thandak dil main utar jati hai..kaise khiyalat ko alfaaz mill
jate hain..aur kaise...alfaaz ko bayan mill jata hai........
written by ruby akram
