Hazrat Ghuos ul Azam Dastageer (radi ALLAH'Tala anhu) Rahat

Ae Ameer Tu apni ameeri me mashghool ho kar ALLAH TALA se ghaafil na ho tujhe kiya maloom ke kal Tu ghareeb hojaaye Tu kisi shey ke saath na reh balke tamam cheezo ke peda karne waale ke saath reh ke jiski misl koi cheez nahi hai aur uske Ghair ke paas tujhe kisi qisam ki rahat nahi mile gi..

Jab ALLAH TALA tere aur makhlooq ke darmiyan wasta munhadim aur weeran karde aur apne aur tere darmiyan wasta aur abaadi karde pas Tu Jaan le ke isne tujhe pasand karliya hai. pas Tu iski pasandeedgi ko bura na jaan . jo shaksh ALALH TALA ke saath saabir bana rehta hai who iske ajaaibaat dekhta hai aur jo faqr par sabar karta hai isko ameeri naseeb hojaati hai.