کچھ اپنے ہی نصیب کی خوبی تھی بعد مرگ
سم کھا موے تو دردِ دلِ زار کم ہوا
بارے کچھ اس دوا سے تو آزار کم ہوا
کچھ اپنے ہی نصیب کی خوبی تھی بعد مرگ
ہنگامہء محبتِ اغیار کم ہوا
معشوق سے بھی ہم نے نبھائی برابری
واں لطف کم ہوا تو یہاں پیار کم ہوا
آئے غزال چشم سدا میرے دام میں
صیاد ہی رہا میں گرفتار کم ہوا
ناکامیوں کی کاہشِ بے حد کا کیا علاج
بوسہ دیا تو ذوقِ لبِ یار کم ہوا
ہر چند اضطراب میں میں نے کمی نہ کی
تو بھی نہ واں تغافلِ بسیار کم ہوا
کیا مجھ میںدم بھی لینے کی طاقت نہیں رہی
کیوں شورِ نالہ ہائے عزا بار کم ہوا
سب تا بہ فتنہ چونک پڑے تیرے عہد میں
اک میرا بخت تھا کہ وہ بیدار کم ہوا
کچھ قیس اور میں ہی نہیں سب کے سب موے
اچھا تو دردِ عشق کا بیمار کم ہوا
ذکرِ بتاں سے پہلی سی نفرت نہیں رہی
کچھ اب تو کفرِ مومنِ دیں دار کم ہوا
Re: کچھ اپنے ہی نصیب کی خوبی تھی بعد مرگ
Re: کچھ اپنے ہی نصیب کی خوبی تھی بعد مرگ
umda intekhab
Sharing ka shukariya@};-
Re: کچھ اپنے ہی نصیب کی خوبی تھی بعد مرگ
