گر نہ ‘اندوہِ شبِ فرقت ‘بیاں ہو جائے گا

[intelligent086]

گر نہ ‘اندوہِ شبِ فرقت ‘بیاں ہو جائے گا
بے تکلف، داغِ مہ مُہرِ دہاں ہوجائے گا
زہرہ گر ایسا ہی شامِ ہجر میں ہوتا ہے آب
پر توِ مہتاب سیلِ خانماں ہوجائے گا
لے تو لوں سوتے میں اس کے پاؤں کا بوسہ، مگر
ایسی باتوں سے وہ کافر بدگماں ہوجائے گا
دل کو ہم صرفِ وفا سمجھے تھے، کیا معلوم تھا
یعنی یہ پہلے ہی نذرِ امتحاں ہوجائے گا
سب کے دل میں ہے جگہ تیری، جو تو راضی ہوا
مجھ پہ گویا، اک زمانہ مہرباں ہوجائے گا
گر نگاہِ گرم فرماتی رہی تعلیمِ ضبط
شعلہ خس میں، جیسے خوں رگ میں، نہاں ہوجائے گا
باغ میں مجھ کو نہ لے جا ورنہ میرے حال پر
ہر گلِ تر ایک “چشمِ خوں فشاں” ہوجائے گا
واۓ گر میرا ترا انصاف محشر میں نہ ہو
اب تلک تو یہ توقع ہے کہ واں ہوجائے گا
فائدہ کیا؟ سوچ، آخر تو بھی دانا ہے اسدؔ
دوستی ناداں کی ہے، جی کا زیاں ہوجائے گا


Gar na andohe shabe furqate bayan ho jaiga
Be takalluf dage mah, mahere dahan ho jaiga
Zuhra gar shame hijr mein hota hai aab
Patawe mahtabe, seele khanma ho jaiga
Le to lon sote mein uske paun ka bosa magar
Aise baton se woh kafir badguman ho jai ga
Dil ko hum sarfe wafa samajhte thai, kaya maloom
Yane ye pahle hi nazre imtehan ho jaiga
Sab ke dil mein hai jagah jo to razi hua
Mujh pai goya ek zamana maherban ho jaiga
Gar nigahe germ farmati rahi taleeme zabt
Shaglah khas mein, jaise khoon rag mein nihan ho jaiga
Bag mein mujh ko na le ja warna mere hal par
Her gule tar, eik chashme khoon fishan ho jaiga
Wai ! ger mera tera insaf mahsar mein na ho
Ab talak to ye tawaqqo hai ki wan ho jaiga
Faieda kaya soch, aakhir to bhi dana hai Asad!
Dosti nadan ki hai, ji ka zeyan ho jaiga